قالت الفنانة والراقصة الاستعراضية دينا، إنها لم تفكر يوماً في توقفها عن الرقص حتى تحت ضغط المجتمع والناس، مضيفة: “طول الوقت وأنا قافلة على نفسي بالونه، وبعمل الفن اللي بحبه”.
وأضافت “دينا”، في لقائها ببرنامج “كلمة أخيرة”، المذاع عبر فضائية “اون إي”، مساء الأحد، قائلة: “بحاول طول الوقت ترسيخ صورة أخرى في المجتمع عن فكرة الرقاصة المنحلة وأن ثمة فارق بين كلمة رقاصة وراقصة، حاولت أخلي كل اللي حواليا يحترموني عشان الناس يعيدوا النظر في فكرة “الرقاصة” وإنها عديمة الأخلاق وخطافة رجالة، واللي عنده حلم وواثق من نفسه ومش بيعمل حاجة غلط هيوصل.. حتى لو المجتمع كله قالك انتي غلط”.
وأشارت إلى أنها تزوجت 9 مرات، معقبة: “9 مش كتير لان فيه ناس تانية تزوجت 13 مرة مثل تحية كاريوكا، وأقل جوازة ليها كانت بتقعد سنة وأكثر جوازة كانت خمس سنوات، وسامح الباجوري والد إبني توفي بعد مرور سنتين من زواجنا”.
وتابعت: “صعوبة مهنتها وأنه من الصعب أن تتنازل عنها من أجل زوج، مهنتي صعبة وبفضل المهنة على الحياة لان لو تنازلت عن شيء بحبه عشان حد هطلب منه حاجات كتيرة مش هيبقى قادر عليها ولا هيعرف يعوضني عنها، وساعتها لو تخليت عن الرقص مش هبقى أنا هبقى واحدة مكسورة فقدت شيء كأن حد اخد منه إبنه”.
