سر اختفاء أمير مرتضى عن الزمالك بعد حبس والده

من بعد حبس المستشار مرتضى منصور ،وحال الزمالك غير مستقر ،وكل يوم أخبار تنتشر فى منها الحقيقى وحصل وفى منها الشائعات.

بس ياترى أمير مرتضى منصور أختفى ومبقاش يروح النادى وغاب عن التدريبات ليه؟ ..والكل بيسأل عنه هو فين وبيعمل إيه؟ ..هل أزمة والده الأخيرة أثرت عليه وخلته لا عايز يشوف حد ولا حد يشوفه؟ ولا فى أسباب تانية لإختفائه؟ هل ممكن يكون إستقال فعلا زى ما إتقال ؟

وإيه حكاية دور مرتضى منصور فى فوز الزمالك على الترجى ؟ إزاى كان له دور وهو بعيد عنهم فى حبسه؟ تفاصيل كتيرعن سر أختفاء أمير وغيرها كتير هنعرفها فى الفيديو ده …

أمير مرتضى منصور أكيد إستقال ..أصله هيقعد يعمل إيه بعد حبس المستشار ..أكيد نفسته أتأثرت وبيعانى من ضغط كبير ..ربنا يكون فى عونه هيلاقيها منين ولا منين؟

ده كان رأى بعض الجماهير الأيام اللى فاتت بعد الإختفاء المفاجئ لأمير،خاصة بعد ما مسك سليمان وهدان رئاسة الزمالك وبعد خسارة الزمالك من الترجى التونسى فى المباراة اللى إقيمت فى ملعب رادس في الجولة الثالثة من دور المجموعات ضمن منافسات دورى أبطال أفريقيا.. فى مباراة الذهاب

كمان المستشار قال قبل كده إن أمير بلغه إنه مش عايز يكمل ،وحاول يقنعه كتير بالإستمرار داخل الفريق ولكن هو كان مصمم وقال إنا مش عاوز أرجع.. أنا ما أتشتمش.

لكن هل فعلا إستقال؟ ولو مستاقلش سبب إختفاءه إيه؟الحقيقة إن أمير مستقالش زى ما إتقال ولا حاجة ،ولا مرتضى منصور أتواصل بشأن إبلاغ أمير بالقبض عليه قبل مواجهة الترجى التونسى ..

وده اللى أكده سليمان وهدان فى مداخلة هاتفية لبرنامج اللعيب وقال :مفيش شك إن أمير بيتعرض لظرف وضغط نفسي كبير جدًا، لازم احنا نعذره في المرحلة دى ، هو سافر مع الفريق إلى ليبيا وبعدين تونس، وده ضغط عصبي كبير جدًا،ده غير إنه صحى بدرى لزيارة والده، وبنلتمس له العذر.

احنا كمجلس إدارة متمسكين بوجود أمير مع الفريق وندعمه، وعدم حضوره لمران الفريق في اليومين اللى فاتوا بسبب ارتباطه بزيارة والده وتعرضه للارهاق بسبب سفره مع الفريق، أمير متقدمش باستقالته..

الزمالك الساعات اللى فاتت فاجئ الجماهير بفوزه فى مباراة العودة أمام الترجى التونسى ،وقدر يفوز ب 3-1 بعد غياب الإنجازات لمدة طويلة .. وروح المستشار كانت بين الأعيبة،وكان الحاضر الغايب ،والاعيبة بذلوا كل جهدهم وعملوا بنصيحة مرتضى منصور اللى قدمها لهم فى أخر إجتماع تم بينهم قبل مباراة الذهاب ..هم خسروا فيها بس عوضوها فى مباراة العودة ..
منصور أكد خلال الإجتماع ده أن الجهاز والفني واللاعبين قادرين على العوده بنتيجه إيجابيه من تونس.. وحصل فعلا وفازوا على الترجى التونسى ..

بعد المباراة امير عقد إجتماع مع الاعيبة والفرحة مكانتش سيعاه ،وإنمتى إن كان المستشار بيحضر معاهم اللحظة دى ،لكن هم طلعوا قد التحدى وحققوا اللى المستشار كان نفسه فيه ،وشكرهم على مجهودهم
أمير طلب منهم زى ما والده طلب قبل كده كتير إنهم يبذلوا جهد كبير لإسعاد الجماهير ويقدروا يواصلوا الإنتصارات محليا وقاريا ..
فيريرا كمان أهدى الفوز على الترجي التونسي إلى مرتضى منصور، وأكد ان الفريق يسعى لحصد 6 نقاط للتأهل.
بكده يكون الزمالك رصيده أرتفع ل 4 نقاط في المركز الثالث بفارق الأهداف عن المريخ السوداني في المجموعة الرابعة لدوري الأبطال .
ويتصدر الترجي ترتيب المجموعة الرابعة برصيد 9 نقاط بواقع 3 انتصارات وهزيمة واحدة وبعده شباب بلوزداد الجزائري صاحب المركز الثاني برصيد 6 نقاط.

وهيخرج الزمالك في الجولة الخامسة لمواجهة فريق شباب بلوزداد الجزائري في مباراة مصيرية تانية يوم 17 مارس ..فياترى تتوقعوا نتيجة المباراة هتكون كام؟ هل الزمالك يقدر يحقق الفوز؟ شاركونا فى التعليقات.