مواقف غريبة جمعت مصطفى متولي بعادل امام

كان ليه هيبة على الشاشة، ظهر في ادوار شر كثيرة اوي منها دوره في فيلم سلام يا حبي، وأيضا في فيلم جزيرة الشيطان وغيرهم كثير.

ارتبط اسمه بعادل إمام لانه كان متجوز واخد اخته ومخلف منها 3 اولاد، عشان كدة كانوا بيفولوا ان الزعيم سبب شهرته.

بنتكلم عن الفنان الراحل مصطفى متولي، اللي جمعته بعادل إمام مواقف غريبة، لكن في وفاته سر كبير محدش يعرفه من الجمهور.

متجوز ايمان اخته وهي كانت وش السعد

مصطفى متولي اتجوز ايمان اخت الفنان الكبير عادل إمام، وبعد جوازه منها، كون معاه دويتو فني شهير وظهروا سوا في السينما والمسرح مرات كتيرة.

كانت في صورة نادرة اتنشرت خلال الساعات اللي فاتت على السوشيال ميديا، ظهر فيها مصطفى متولي وهو بيلبس مراته الشبكة، وكان عادل إمام قاعد معاهم على الكوشة.

الصورة دي تلقت إعجاب عدد كببر من محبي مصطفى متولي ومن جمهور الزعيم لانها صورة نادرة بتحمعهم ببعض.

مصطفى متولي مخلف من إيمان 3 ابناء هم عمر وعصام وعادل، والاتنين الصغيرين اتسموا على اسماء الزعيم واخوه عصام.. اما عمر الكبير فاتجه لطريق الفن زي ابوه وخاله، وبقى واحد من المشاهير.

اعمال جمعتهم ببعض

مصطفى متولي ارتبط بالزعيم طوال فترة التمثيل.. عمل معاه مسرحيات الزعيم والواد سيد الشغال وبودي جارد  وفي السينما عمل معاه سلام يا صاحبي، وشمس الزناتي، وجزيرة الشيطان، وبخيت وعديلة، واللعب مع الكبار وغيرهم.

سهرة صباحي ورحيل مفاجئ

يوم 5 اغسطس سنة 2000 كان مصطفى متولي سهران مع عدد من ابطال مسرحية “بودي جارد” ومن ضمنهم عادل إمام بطل المسرحية ونسيبه.

ليلتها كانت السهرة صباحي، قعدوا مع بعض بعد انتهاء عرض المسرحية وطبعا قعدة زي دي كانت كلها ضحك وفرفشة طالما الزعيم حاضر ولما روح مصطفى متولي حصلت المفاحاة.

بعدها جاته “سكتة قلبية” مفاحئة رحل بسببها على الفور، ودي كانت آخر قعدة يقعدها مع “عادل إمام” ولما سابه كان عنده ارهاق شديد اوي، يادوب مصطفى وصل البيت وغادر الحياة.

رحيل “مصطفى متولي” كان صادم لناس كتيرة اوي خصوصاً زمايله في المسرحية منهم بطلة العرض الفنانة رغدة اللي جاتها حالة انهيار كبيرة لما سمعت الخبر.

عادل إمام يعرض المسرحية يوم وفاته

المهم زمايله راحوا علشان يدفنوه في مثواه الاخير.. بعدها اتلقوا الصدمة لما طلب منهم “عادل إمام” يستمروا في عرض مسرحية “بودي جارد” في نفس يوم وفاة مصطفى اللي هو جوز اخته.

دي كانت الصدمة التاتية للفنانة رغدة.. ولما عرفت انهارت تاني وزعلت أوي من “عادل إمام” لدرجة انها كانت عاوزة تعتذر عن العرض لكن مغرفتش وكلبت تاحيله حتى لبعد العزا لكن عادل رفض.

وبالرغم من كل ده، الا إن بعض العاملين في المسرحية قالوا ان عادل امام انهار في الكواليس يوم عرض المسرحية، وجاته حالة اكتئاب لما افتكر مصطفى متولي، ومن وقتها وهو رافض يتكلم عن ذكرياته معاه.

اتهموه بدخول الفن بالواسطة واحمد زكي يدافع عنه

بسبب علاقة النسب اللي بين مصطفى متولي وعادل إمام، حاول البعض التقليل من موهبة مصطفى وقالوا انه بيتم اختياره مجاملة للزعيم

لكن الاتهامات دي رد عليها النمر الأسود أحمد زكي، في لقاء تلفزيوني وقال أن مفيش واسطة في الفن وأن الأعمال الفنية اللي ظهر فيها مصطفى متولي مع عادل إمام سببها موهبته.

وقال كمان احمد زكي أن مصطفى واحد من أبناء المعهد العالي للفنون المسرحية، وعادل إمام بيستعين بيه لأنه نجم وممثل كويس، ومفيش مجاملة في الفن.