هفضل مقعداه جنبى لحد إمتى ؟..أنابطلع أضحك قدام الناس ..لكن أنا فى الحقيقة بكون منهارة .. بخلص الفيديو وأعيط..مش حابة أظهر ده ولا أكون طاقة سلبية للناس. هذا ما قالته البلوجر سارة محمد في أحدث ظهور لها.
من بعد اللى حصل بينها وبين صديقها عمرو سنايبر.البلوجر سارة محمد حالتها النفسية فى النازل ..وبتحاول تطلع للناس بتضحك وتهز معاهم زى ما كان سنايبر معاها بالظبط ..بس اللى ورا الكاميرا محدش يعرفه !
أسرار وكواليس بتقولها سارة لأول مرة بعد طردها لسنايبر من بيتها اللى قالت إنه بيستغل عدم وجود أهلها فى البيت..
مش هتصدق حصل معاها إيه ؟ قالت إيه عن سنايبر ورسالة من خطيبها مفاجئة .
الأمل الوحيد اللى عندى إن نفسيتى تتظبط وأكون كويسة ..ده كان كللام البلوجر سارة محمد فى فيديو نشرته الساعات اللى فاتت على صفحتها الشخصية فيسبوك..بتحكى عن سارة ورا الكاميرا ..حالتها عاملة إزاى ،خاصة بعد ما إنتشر تصريحات لخطيبها بيقول إنها بتدعى المرض ومفيهاش حاجة..كل الحكاية عينك إتصفت بس ولو مريضة إحترمى مرضك!هو جرالك إيه يعنى؟
سارة مش قادرة تتخطى الظروف اللى مرت بها ،سواء اللى عمله خطيبها وتخليه عنها أو الواقعة الصعبة اللى حصلت لها خاصة إنها بتقول إن نفس يوم الواقعة هوهو نفس اليوم اللى رجعتله وصدقته إنه بيحبها!
إنت مقدرتش تحمينى ..أنت اللى عرضتنى للخطر ..أنا كل ما أطلع أقول إن الحمد لله نفسيتى أحسن يتحاول تظهر وتدمرنى..
سارة كل يوم بتنهار وحالتها النفسية بتسوء ومش عارفة تلاقيها منين ولا منين ..من خطيبها اللى باعها ولا اللى حصل بينها وبين سنايبر ،وهى أصلا من غير حاجة اللى فيها مكفيها ..ورغم كده بتحاول تظه للجمهور بتضحك بس قلبها بيتعصر من الحزن وقلة الحيلة!
سارة مش ممكن تنكر إن سنايبر كان وجوده معاها فى البيت طول اليوم مهون عليها كتير ..ومحدش يقدر يقول غير كده بس حصل بينهم مشكلة كبيرة وكلام كتير إتقال الفترة الأخيرة .
الكل كان مستغرب وجود عمرو سنايبر فى بيت سارة..وبيظهر معاها فى كل الفيديوهات من أوضة نومها ومن على سريرها ..ويمكن من صعوبة الواقعة الللى مرت بها سارة ،الناس قالت سبوها فى اللى هى فيه ربنا يكون فى عونها.
سارة قالت هفضل مقعداه جنبى لحد إمتى؟..لو فضلت معتمدة عليه هفضل ضعيفة،ده شخص له حياته وله شغله،أنا كل اللى طلبته إنه يعيش حياته الطبيعية ،وأنا سعادتى هتحكم فيها بنفسي..
وده طبعا كان تعليق سارة بعد الازمة بينها وبين سنايبر اللى بدأت لما فاجئ الجمهور بكلام غريب جدا وقال :أنا عمرو سنايبر معرروف الحمد لله قبل ما أتكلم على حد ..
سمعت كلام صحابها ونسيت اللى عملته عشانها ..نسيت تعبى وبهدلتى معاها ،قالوا عنى بستغل المرض علشان المشاهدات ،وإنى شخص أهم حاجة عندى السوشيال ميديا ..بس الوحش لما تساعد حد ويقول عنك أسوأ الأشياء وكلام كتير .
والأصعب إن الشخص ده صدق الكلام ورجع لحياته القديمة ومش هوضح أكتر من كده!أقنعوها إنى موجود بس علشان التريند،نسيت كل الحلو اللى عملته علشانها وطلبت منى أبعد وأنا قولت حاضر ..أنا مش بتخلى عن حد وأتمنى محدش يفتح معايا الموضوع ده تانى .أنا اتظلمت وإتأذيت بسبب الموضوع ده ..وربنا ما يكتبها على حد ويتظلم ويا بخت من بات مظلوم ..
الغريب رد فعل خطيبها اللى ضايق الناس كلها لما نشر على صفحته :إحنا نزعل لما نشوف الشئ اللى كان عندنا غالى قاعد يلعبوا به الرخاص ..
الحقيقة الكل قال إن تعليقه ده إهانة له قبل ما تكون لسارة..والمفروض إن الموضوع إنتهى وسارة أكدت إنها مستحيل ترجعله تانى مهما يحصل .فبالتالى سبها فى حالها وربنا يقويها على اللى هى فيها ..مش كل ما تقرر تتخطاك ..تفكرها بنفسك من جديد وبالطريقة دى ..إنتوا بقى رأيكوا كده ولا ليكوا رأى تانى ؟ شاركونا فى التعليقات.
