يمكن عمليات التجميل الآن جعلت العمر مجرد رقم عند أغلب الفنانات، وبسبب عدم ظهور علامات السن فإنه يمكنهم الزواج ولكن نجد ان نجمات كثيرة رفعوا شعار العزوبية مع إنهم تخطوا سن الأربعين، ياترى لماذا رافضين يتزوجوا؟ تابعونا لمعرفة الأسرار:
زمان كان زواج النجمة بيهدد مستقبلها الفني، وعشان كده أغلبهم ضاع عمره في التمثيل ونسي حياته الشخصية، وافتكر لما بدأ ياخد أدوار فيها دور أمومة وحياة زوجية، ولكن وقتها فشل يسترجع حياته وعمره، وبدأ الندم يظهر عليهم، ومع تقدم العمر والتكنولوجيا، عمليات التجميل خليتهم يسترجعوا بريقهم من أول وجديد.
إليسا ملكة الإحساس
طول الوقت إليسا كانت بتأكد إنها مش من ضمن أحلامها إنها تكون أسرة، ولكن الهوس الحقيقي اللي عندها إنها تلاقي شخص حقيقي تقدر تكمل معاه حياتها، ويستحق يكون والد أولادها.
مي عز الدين واشاعات ارتباطها
يمكن أكتر حد طلع عليه اشاعات جواز وارتباط في الوسط الفني، هو الفنانة مي عز الدين، ويمكن التجربة الوحيدة اللي في حياتها وكانت رسمية كانت مع اللاعب محمد زيدان، مش بس كده كمان مي عز الدين عندها موقف ثابت وموضح بخصوص موضوع الجواز، وهي بنفسها قالت قبل كده إنها هتتجوز بقلبها مش بعقلها، وعشان هي ملاقتش أي قصة حب، وأغلب اللي بيتقدموا ليها بيقدم نفسه بإنه عنده ثروة وفلوس، عشان كده متجوزتش لحد دلوقتي.
منة فضالي حظها وحش في الحب
يمكن منة فضالي اعتقد إنها لو اتجوزت بدري ده هيدمر حياتها كفنانة، وعشان كده اتاخرت كتير في تأسيس بيت وأسرة، مش بس كده منة فضالي قالت كمان إن حظها وحش جدا في موضوع الحب والجواز، لكن عنجها أمل تتجوز قريب وتخلف توأم عشان تعوض التأخير اللي حصل في حياتها.
حورية فرغلي فقدت حلم الأمومة
مش منة فضالي بس اللي نفسها تخلف، كمان حورية فرغلي فقدت حلم الأمومة نهائي بعد استئصال الرحم، وبعد ماكنت خلاص هتتجوز بعد ساعات عريسها توفي في حادثة، وعدت الأيام واتغلبت على حزنها ووحدتها، وبدأت تفتح قلبها من جديد، ولما اتخطبت خطيبها فشكل خطوبتها في قاعة الفرح، وده بسبب مشهد ليها في فيلم من الأفلام.
استرابة: درة فاتها قطر الجواز
مكنش مهم عند درة إمتى تتجوز، لكن المهم هو مين اللي تتجوزه، ويمكن ناس كتير فاكرة إن بكده فاتها قطر الجواز، لكن هي شايفة إن تأخير جوازها مش هيضرها ولا هيضر حد، يمكن اللي هيضرها هو تسرعها في اختيار شريك حياتها غلط، وبكده قررت درة إنها تفضل قاعدة طول عمرها على كرسي العزوبية لحد مايجي قطر صح.
قعدة الخزانة ولا جوازة الندامة
اشاعات كتير طلعت على الفنانة منة شلبي رغم إن مفيش أي جواز رسمي، وكانت أول اشاعة لما قالوا إنها ارتبطت عرفي بمخرج سينمائي مشهور، ومن بعده مخرج من عيلة فنية، لكن منة مرفضتش موضوع الجواز من الأساس، لكنها رفضت إنها تتسرع عشان تخلص من شبح العنوسة وقالت قعدة الخزانة ولا جوازة الندامة.
نرمين الفقي أمها السبب في عنوستها
بمجرد ما نرمين الفقي حد يتكلم معاها في موضوع الجواز دموعها بتنزل فورا، وقتها بتفتكر والدتها واللي هي السبب الرئيسي في حياتها بدون زوج، والدة نرمين الفقي كانت مصابة بمرض خطير ونرمين هي اللي كانت متحملة كل المسئولية، مش بس كده، ده كمان بسبب إن والدتها كانت متعلقة بيها جدا كان أي حد يتقدملها كانت بترفضه.
