لو يكذب الأطباء عندما قالوا ان الحزن أهم أسباب المرض، ومن خلال تجاربنا ومعارفنا فكثير ما نسمع عن أشخاص أصيبوا بجلطات بسبب الحزن وأخر هؤلاء كان الفنان أحمد إبراهيم.
هو د بالظبط اللي حصل للفنان احمد ابراهيم اللي كان من ضمن ابطال مسلسل سلسال الدم الشهير ، الفنان الشاب ده اتعرض انهاردة ل جلطة في المخ بشكل مفاجئ ودخل المستشفى فورا من كام ساعة.
واللي أعلن خبر إصابة أحمد بجلطة هو الفنان محمد علي رزق ، واللي نشر صورة للممثل على فيسبوك وكتب عليها :” الزميل والصديق أحمد إبراهيم أصيب بجلطة في المخ ، الرجاء الدعاء له بالشفاء وإن ربنا يقومه بالسلامة».
للأسف دي مش المرة الأولى اللي يصاب فيها أحمد إبراهيم ب جلطة ، ففي نفس الشهر ماو السنة اللي فاتت اتعرض برضه لجلطة في الساق ، ودخل مستشفى في الإمارات لحد ما تعالج ، ونشر صور ليه اثناء العلاج وهو قاعد على كرسي متحرك ، على حسابه على فيسبوك ، وكتب عليها :” قدر الله وما شاء فعل استراحة محارب».
اللي يوجع القلب ان الفنان احمد ابراهيم قال السنة اللي فاتت انه حصله مشاكل شخصية في حياته زعلته واحزنته كتير وده كان سبب انه يحصله جلطة في الساق ، وقال بالنص :” زعلت وجالي جلطة”.
وتلف الأيام في نفس الشهر وبعد سنة بالظبط يحصله نفس الازمة تاني لكن المرادي جلـــطة في المـــخ .. فهل ياترى الفنان احمد ابراهيم لسة بيعاني من مشاكل وحزن ووجع اتسببله في كل المرض ده ، وايه اللي حصله خلاه يوصل للمرحلة الصعبة دي .. دعواتكم ليه بالشفاء.
أحمد ابراهيم ليه مسيرة فنية كبيرة وقدم حوالي 80 عمل مابين السينما والدراما ، اشهرهم طبعا دور يحي في مسلسل سلسال الدم مع النجمة عبلة كامل واللي شارك فيه بكككل أجزائه ، لكن برضه ليه دور قديم مع الزعيم عادل إمام في فيلم الإرهابي سنة 94.
احمد ابراهيم شارك في فيلم «بونو بونو» سنة 2000، وكان من ضمن المسلسلات اللي ظهر فيها «السقوط في بئر سبع» سنة 1994، وعايش في الغيبوبة سنة 2006
وبعد فترة طويلة من الاختفاء بعد مسلسل سلسال الدم ، شوفنا الفنان أحمد إبراهيم في أدوار تانية في مسلسلات مسلسلات جراند أوتيل، والجماعة، ولدينا أقوال أخرى والطاووس في 2021.
