المطربة أنغام معروف إنها تزوجت كثيرا، وفي منهم زيجات سرية عادي والجمهور عرفها أيضا، لكن قليل أن يرى الجمهور صورة نادرة لأنغام وهي بفستان الزفاف، فكم مرة تزوجت انغام؟ وما أكثر زيجة تعتها؟..تابعونا لمعرفة الأسرار:
مستعدة تتجوز تاني
رغم إن الفنانة أنغام، خاضت تجارب جواز كتير في حياتها وكلها انتهت بالفشل لكن هي معندهاش مانع تتجوز من جديد وتجرب ترتبط ما هو بردوا الجواز مش حرام ومفيش مشكلة لما منتعلمش من فشلنا، الفنانة اللي عدت الخمسين سنة قالت في تصريحات ليها إنها بتعتبر الجواز والارتباط قدر وده اللي مخليها مش رافضة تدخل علاقة حب جديدة ويمكن تعيش ده الفترة الجاية عادي جدا.
وأبوها مكانش راضي
أنغام اتكلمت قبل كده عن جوازاتها اللي ارتبطت بيها طول حياتها وهي اتجوزت أول مرة من مهندس الصوت مجدي عارف، وكان في كلام اتردد بقوة إن أبوها الموسيقار محمد سليمان، مكانش راضي عن الجوازة دي بس هي أصرت عليها، ومستمرتش الجوازة الأولى دي كتير وحصل طلاق بعد خمس سنين جواز بس خرجت منها بابنها الكبير عمر، بس كان في جوازة سرية من النجم أحمد عز وكواليسها كانت مثيرة عشان محدش كان عارف عنها حاجة أصلا.
حكاية الجوازة السرية
تالت جوازة للفنانة أنغام كانت من الفنان أحمد عز، وبناء على عقد الجواز اللي اتسرب فهما اتجوزوا سنة 2011 وتم الانفصال في سرية تامة بردوا وكل ده ومحدش عارف لحد ما ظهرت مشكلة أحمد عز مع الفنانة زينة وحمايتهم اللي المحاكم شاهدة عليها عشان تثبت نسب ولادها منها، ففي النص كده اتكشفت جوازته من أنغام واتقال إنها استمرت سنة واحدة، بس بردوا في حكاية كبيرة ورا الجوازة التانية لأنغام ودي فعلاً اللي تعبتها وهدت حيلها زي ما بيقولوا.
جوازة أنغام اللي ندمت عليها
تجربة الجوازة التانية في حياة أنغام هي الأكثر إثارة زي ما بيقولوا وده تمت سنة 2004، واتجوزت وقتها الموزع الكويتي الشهير فهد الشلبي، وفي فترة جوائزهم كان في تعاون فني بشكل لافت في أعمال غنائية كتير والجوازة دي خرجت منها أنغام بطفلها التاني عبدالرحمن، بس كانت جوازة المدانة والتعب زي ما قالت بلسانها.
أنغام اتسألت قبل كده عن الشخص اللي ندمت على الجواز منه وقالت فهد الشلبي ووقتها عشان تاخد حريتها اتنازلت عن كلّ حقوقها المادية من نفقة ومؤخّر ومتعة مقابل الطلاق، وفهد الشلبي ده للي ميعرفوش هو ملحن وموزع موسيقي كويتي، اتجوز أنغام، واتطلقوا بعد 3 سنين عشان حصلت خلافات عائلية، واستمرت الخلافات لحد بعد الطلاق واتطورت كمان.
وكانت أنغام اتقدمت للمحكمة بدعوى خلع من جوزها فهد الشلبي في سنة 2007، وحصلت على حكم بالخلع بعد فشل كل محاولات الصلح بينهم والخلافات منتهتش بسرعة، وفضلت آثار الخلع ده واللي كانت سلبية على الملحن الكويتي، عشان أنغام كانت رافضة السماح ليه يشوف ابنه الوحيد، ده حتى علاقتها مع أم طليقها كانت مليانة مشاكل.
الرابعة مش الناخبة
وأنغام مش هتنهي مسلسل جوازاتها ده حتى بعد الجوازة الرابعة اللي كانت من الموزع الموسيقي أحمد إبراهيم، واللي كان أصغر منها بكذا سنة وانتهت الجوازة دي بعد سنة تقريباً.
واتقال فيها حكايات كتير يعني ابنها عمر وجوزها أحمد مكانوش طابقين بعض وخناقات ومشاكل وأحمد التاني كان اتجوز أنغام على مراته وأم ولاده ياسمين واللي طلبت الطلاق بعدها والبعض اعتبر أنغام لهفته من مراته وولاده بس أحمد التاني مطاقش العيشة معاها وخلافاته مع ابنها عمالة تكبر لحد ما قرر يعتذر لمراته ويرجعلها ويطلق أنغام.
وشكله ندم من جواه ومقالش ولا بيعتبر القدر ضده بقى الله أعلم بيه، المهم إن مش دي الناهية وممكن نتفاجئ بجوازة جديدة لأنغام زي ما قالت، قولولنا بقى في التعليقات ممكن أنغام تفاجئنا وتتجوز جوازة خامسة ليها ولا إيه وياترى في حاجة مخبياها ولا لأ، ولا تفتكروا الموضوع اتقفل عشان متعملش مشاكل مع ولادها تاني وهي قالت أهو نخلي الباب مفتوح يمكن الأمور تتغير.
