لديه علاقات كثيرة وهو السبب في التعب الذي تعرضت لها وهو ما نقله لها..كل ساعة مفاجأت جديدة فى قضية حسن شاكوش وزوجته تقلب موازينها .وحتى الأن لا أحد يعرف من الصادق .
محامية ريم كشفت المستور واللى قالته عن طليقها صادم ..إزاى مطلعش راجل؟وإيه حكاية علاقاته الكتير دى؟إزاى نقل لها التعب وكان السبب فى اللى حصلها ؟ليه شاكوش أنكر إنها كانت متجوزة ،هل كان يعرف فعلا؟ إزاى ريم زورت فى القسيمة وكتبت البكر الرشيد؟
كلام ملهوش أي أساس من الصحة وهو نقلها عدوى جلدية، وسبب الطلاق بينهم أن هي مكنتش عايزة تعيش معاه وأنه غلطة .. واتسرعت في الجوازة، وأهلها مكانوش موافقين أن هي تتطلق.. وحسن معترف بده فى شات بينهم كان بيعايرها بطليقها وقالها: هو أنا دلوقتى مش عاجبك فى تصرفاتى ،ما كان طليقك هو اللى نقلك عدوى ،وضربك ورغم كده أهلك مكانوش عايزين يطلقوكى ..
ده كان رد هايدى الفضالى محامية ريم بخصوص تصريحات طليقها إنها كانت تعبانة ومينفعش لا تتجوز ولا تخلف!وحسب ما نشره موقع تحيا مصر
وده فعلا اللى أكدته صديقتها إنه كان له علاقات مع ستات كتير “وقالت نصا كان بيعط كتير “وهو اللى نقلها التعب ده !
معنى كده أن شاكوش عارف إنها كانت متجوزة قبل كده ..أمال هو بينكر إن مفيش علاقة تمت بينهم لمدة 50 يوم علشان يعرف هى كانت متجوزة قبله ولا لأ ليه؟
المحامية قالت كمان :ريم لما إتجوزت شاكوش كانت زى الفل ..وأختك يا حسن راحت مع ريم للدكتورة سعاد بعد الزواج علشان الحمل وأختك مسجلة الموضوع وطلبنا توقيع الكشف الطبي لأنه كان في علاقة بينهم قبل الخلاف بكام يوم..
وأنا بمضي القسيمة في الفرح مكنتش البيانات بتاعتي اتكتبت فيها وحسيت أن في حاجة غلط ده اللى قالته المحامية على لسان ريم بخصوص التزوير فى القسيمة وإنها كدبت على شاكوش ..
محامية ريم قالت إن شاكوش كان عارف بزواج ريم وإتفق مع ريم أن هي متقولش إنها كانت متجوزة عشان البنات اللي كان واعدهم بالزواج وأهله كانوا عايزينه يتجوز واحدة مشبقش لها الزواج.
ووثيقة زواج حسن وريم مظبوطة ومفيهاش تزوير وصحيحة 100 % وفي بيانات خطأ متأثرش في بطلانها..زى ما البعض قال..
الغريب إن ريم مغيرتش بياناتها فى البطاقة من أنسة لمتزوجة أو مطلقة ..لكن دى متعتبرش مشكلة ولا جناية خالص ودفعت غرامة على إنها مجددش البطاقة .
كمان قالت إن مكنش فيه قصة حب بين ريم وحسن وهي بنت الجيران وسأل عليها في المنطقة واتقاله أن هي مطلقة وقال أنا ميهمنيش الموضوع ده، وحسن شاكوش قال لريم هعملك فرح محلمش بيه حد وهو مكلف الفرح كل ده عشان خاطر الشو قدام الناس والتريند،حسن عمل قسيمة الزواج على مزاجه ومكتبش في القسيمة المؤخر اللي كان متفق عليه.. والمفاجأة بقى إن ريم مكانش معاها القسيمة وحسن اللي أتفق مع المأذون، وخلى المأذون يكتب البيانات ويقول أن هي بكر في الفرح.
أما بالنسبة لطرد ريم من البيت فى نص الليل ..طبعا شاكوش أنكر ده وقالأنا مطردتهاش أنا كنت نايم ولما صحيت من النوم قالولي إنها كانت هنا ولقيت جزء ناقص من المبلغ اللي في الخزنة.. وهدومها ومكياجها موجود عندي في الفيلا وهي ما أخدتهوش وأنا مش مانعها تاخدهم..
لكن المحامية بتقول لما ريم رجعت على البيت هي ووالدتها عشان تاخد حاجتها، وحسن مرضاش يفتحلها وبعدها اتهمها أن هي سرقت منه 500 ألف جنيه..
إنتشرت الأخبار الساعات اللى فاتت إن حصل صلح بينهم والمية رجعت لمجاريها ياترى ده حقيقى؟
المحامية قالت أن ريم مصممة على قرار الإنفصال من شاكوش ، ريم إتصدمت فيه وكانت فاكرة أن حسن العوض ليها ومصممة على الطلاق بعد اللي عملوا فيها..
ياترى هتنتهى القضية على إيه؟مين اللى بيقول الحقيقة ومين اللى بينكر ،هل حسن ممكن يتراجع ..هل ريم ممكن تسامحه الله أعلم!كل يوم مفاجأت جديدة يا عالم بكرة مخبى لهم إيه!
