كلنا نتذكر الفنان أحمد إبراهيم، بطل مسلسل سلسال الدم الذي عرض في 5 نسخ حققوا نجاح كبير جداً، هذا الفنان الآن يحتاج دعوات الجمهور بعد تدهور حالته الصحية وأصبح عاجز عن المشي.
أزمة صحية
كلنا اتفاجئنا من كام يوم بفنانين أصحاب أحمد إبراهيم بيتكلموا عن أزمته الصحية وإنه مش في مصر أصلا وبيطلبوا من الجمهور يدعوله عشان يعدي المحنة دي على خير، كلنا ياما عدينا بفترات صعبة في حياتنا بس محنة المرض دي لوحدها بتعطل عجلة أي حد بعض النظر فنان مش فنان بقى بس زي ما بيقولوا إن التعب بيذل البني آدم، ورقد أحمد إبراهيم في العناية المركزة في مستشفى في الإمارات عشان يتعالج من جلطة دماغية.
جت سليمة
التوقعات كلها كانت بتقول إن أحمد إبراهيم هيعدي بدعوات الجمهور وهو فنان وشه معروف على الشاشة والجمهور بيحبه، وعشان كده الحمد لله جت سليمة، وبحسب مصدر مقرب من الفنان أحمد إبراهيم كان بيتكلم عن آخر تطورات حالته الصحية، وقال إنه عدى من الأزمة الصحية بتاعة الجلطة الدماغية دي على خير بس هي سابت أثر وده اللي اضطر الدكاترة ينقلوه على مستشفى تانية عشان تأهيله لجلسات العلاج الطبيعي، والمصدر ده قال في تصريحاته إن حالة أحمد إبراهيم مستقرة، وهو مش لوحده ده بنته ومراته معاه وبنتمنى من كل جمهوره يدعي له بالشفاء العاجل.
تطور مفاجئ
الحالة طبعاً مش ميئوس منها بحد ما الدكاترة ما يقرروا، بس في الغالب هي بتاخد المراحل بتاعتها لحد ما تعدي الأزمة، لكن التطور ده كان مفاجئ وبقى أحمد إبراهيم عاجز تماماً عن الحركة وللأسف هيحتاج كرسي متحرك عشان يقدر يباشر حياته بشكل طبيعي، وده زي ما قال الفنان شريف إدريس، اللي متابع حالة صديقه.
وكتب شريف إدريس، على حسابه في “فيسبوك” ألف مليون سلامة لصديقي وأخويا الفنان أحمد إبراهيم، وللأسف الجلطة اللي جاتله في المخ اتسببت إن أحمد هيقعد على كرسي متحرك، وعرفت إن دكتور أشرف زكي سافر له الإمارات علشان يكون معاه، وقاله في رسالة: “سلامتك يا أحمد ربنا يشفيك ويعفو عنك قادر ياكريم”.
واتكلم شريف إدريس في تصريحات صحفية ليه عن زيادة أشرف زكي نقيب الممثلين للفنان أحمد إبراهيم وقال إنه سافر ليه على الإمارات عشان يطمئن عليه وهو اتعرض لشلل مؤقت ومحتاج لكرسي متحرك، وبندعي له بالشفاء العاجل.
وبالمناسبة أحمد إبراهيم بيدرس فنون المسرح في الإمارات مع دفعة الفنانين اللين اختاروا يشتغلوا في التدريس هناك وده في إطار تعاون بين وزارة التعليم بالإمارات ونقابة المهن التمثيلية في مصر.
وكان أحمد إبراهيم، شارك في مسلسل سلسال الدم في الجزء الخامس وهو من بطولة الفنانة عبلة كامل، وحقق نجاح كبير وأحداثه كانت استكمال للأحداث السابقة، وفيه زادت الصراعات بين نصرة، والعمدة هارون بالذات بعد ما دخلت نصرة السجن مرة ثانية، عشان اتهامات ظالمة من هارون، واستمرت صراعات قوية بين الاثنين، والمسلسل ده شارك فيه نخبة من النجوم، منهم عبلة كامل، رياض الخولي، يوسف أيمن، أحمد إبراهيم، رانيا فريد شوقي، وهو من تأليف مجدي صابر، وإخراج مصطفى الشال.
