يوم ورا يوم وفرح الأميرة رجوة آل سيف اللي بقى اسمها الأميرة الحسين لسه عامل قلبان على السوشال ميديا والناس كلها بتتكلم عنه عشان بيكتشفوا أحداث جديدة حصلت في الفرح مكانش لسه حد سمع عنها.. وفي الفيديو ده هقولكم على الأميرات جميلات الأردن في العيلة الهاشمية اللي لهفوا الأضواء في الزفة والكلام عنهم بدأ يكتر وفي واحدة منهم أخو العريس الأمير الحسين بن عبدالله بيخطط يتجوزها في المستقبل.
حالة دهشة
أول ما الأميرات دول ما ظهروا واتشهروا وبدأ الكلام يكتر عليهم وعلى إطلالاتهم وأسعارها كان في كلام عن الأمير الحسين بن عبدالله ولي العهد إنه ليه ما اختارش واحدة من بنات العيلة الهاشمية الجميلات دول وتكون هي ملكة المستقبل .
هو سؤال طبيعي ممكن أي حد يطرحه لكن دايماً هتلاقي الحب أقوى من أي حاجة في الدنيا عشان قلب الأمير وقع من أول نظرة لما عينه جت على رجوة وهي مع زميلته لما كانوا في مناسبة سوا وطبعاً هنا محدش يقدر يقول للحب لأ تطلع بقى سعودية تطلع من بلد تانية الحب مبيعرفش المسافات.
وعشان كده الملك عبدالله والملكة رانيا راحوا على السعودية خطبوها من بيت أبوها وحددوا معاد الفرح وكل حاجة اترتبت اتعملت تمام التمام.
لهفوا الأنظار
إطلالات الأميرات في العيلة الهاشمية كانت حديث الناس في السوشال ميديا وكلهم بدأوا يسألوا مين دول ؟ يعني أناقة وجمال ودلال وفساتين جميلة .. طبيعي السؤال يطرح نفسه ووقتها اتشهرت الأميرة هالة النور ودي تبقى بنت هاشم بن الحسين أخو الملك عبدالله التاني ودي كانت لابسة فستان باللون الزيتي ومطرز بالدهبي.
والأميرة راية بنت الحسين ودي تبقى مرات السيد فارس وكانت لابسة فستان لونه أزرق فاتح.. وكمان ظهرت الأميرة راية النور بنت هاشم بن الحسين ودي تبقى اخت هالة النور وفستانها كان لونه بيج.
والأميرة فهدة مرات الأمير هاشم لبست فستان لونه بني غامق.. ودول يبقوا أشهر الأميرات الجميلات اللي ظهروا في الحفل.
لكن هالة النور وراية النور كانوا من أبرز الأميرات اللي الناس اتكلموا عنهم ودول يبقوا بنات الأمير هاشم أخو الملك وكمان ليهم اخت تالتة اسمها فاطمة العالية وأخين هما الحسين حيدرة، ومحمد الحسن.
وهالة من مواليد أبريل سنة 2007، يعني عندها 16 سنة، ولسه طالبة في تانية ثانوي، باباها يبقى أخو الملك وهو كبير أمناء الديوان الملكي الهاشمي ومامتها الأميرة فهدة بنت أبو قيان من أصول فلسطينية، ودي تبقى الزوجة الأولى للأمير هاشم بن حسين، وهي حفيدة الأمير تركي بن خالد السديري.
كمان الأميرة راية النور بنت هاشم، لهفت الأضواء مع أختها واللي يشوفهم يقول توأم لكن راية اتولدت في عمان بالأردن وتُعتبر الابنة الثدتانية للأمير هاشم بن الحسين وهي من مواليد 4 يوليو سنة 2008، يعني عندها 15 سنة وتُعتبر الحفيدة التالتة للملكة نور.
العروسة المنتظرة
في بقى أميرة ظهرت في الفرح بيتقال عنها إنها العروسة المنتظرة ودي سحرت الكل بإطلالتها ودي تبقى الأميرة جليلة بنت الأمير علي بن الحسين وتبقى بنت عم العريس الأمير الحسين بن عبدالله، ولي عهد الأردن وهي عندها 17 سنة.. ولبست الأميرة جليلة فستان سماوي “لايت بلو”، ومعاه تسريحة شعر ناعمة، منحتها طبعاً أناقة وجمال.. وكمان اختيار لمسات المكياج كانت مناسبة مع ملامحها وجمالها الخاص، ولون الفستان كان ماشي مع لون عينيها المايل ل بردوا. والإطلالة دي كانت من دار أزياء “Etro” العالمية، والفستان من خامة الحرير، وسعره أكثر من ألفين يورو، حسب ما قالى موقع دار الأزياء العالمية..
الكلام كان على ظهورها مع ابن عمها التاني الأمير هاشم أخو العريس الصغير والكل اتكلم عن مشروع قصة حب بينهم في المستقبل وإن الأميرة جليلة احتمال كبير تبقى مرات ابن الملكة رانيا لكن بردوا الكلام على إنهم لسه صغيرين لكن اللي واضح إن في علاقة كويسة بين الأمير الصغير والحسناء جليلة وده الفرح اللي الناس مستنيها بين أفراد العيلة المالكة.
