شن الإعلامي تامر أمين، هجومًا على المطربة شيرين عبد الوهاب، الساعات الماضية، بسبب تصريحاتها الأخيرة في حفلها في جدة بالسعودية.
وقال تامر أمين: “المتصابة في لسانها، بقول هذا الكلام وقلبي بيتقطع، مش مصدق أن فيه موهبة عظيمة ومنحة ربانية عظيمة، ربنا وهبها لها وهي اللي مُصرة تهدرها، وتضيعها بإيديها”.
هجوم ناري من تامر أمين على شيرين
وتابع: “شيرين بتواصل بنجاح ساحق منقطع النظير مسلسل الذلات والهمات والغلطات على المسرح، مش ممكن يكون في حد قاصد يغلط ويزعل الناس كدة!”
وأضاف: “شيرين كانت داخلة على المسرح في حفل جدة، فقالت لهم مش كنتوا قُلتولي كنت جيت بالمايوه، وزاد الطين بلة، إن دا في جدة!، في السعودية، وقالت للمساعدين أجري هات لي فوطة، إيه دا إيه السلوك ده؟!”.
واختتم: ” نعملك إيه؟، ليه أنتِ كدة نقفل عليكي المايك وناخد منك الحديدية؟!.. هنحافظ عليكي من نفسك؟، كل الغلطات والمشاكل متعلمناش منها ثانية؟!”.
وأضاف: “أرجوكي حافظي على نفسك من نفسك، يا بنتي أنتِ حاجة حلوة متضيعيهاش بإيدك، ربنا يهديها لنفسها”.
