حفلات التخرج دائما ينتظرها الأهل قبل الطالب وهذا لأنهم يكونوا حاسين أنهم قدموا رسالتهم، لذلك فإن كل أب وأم يعبروا عن فرحتهم في هذا اليوم بطريقة مختلفة.
وده اللي حصل في الساعات الأخيرة لما فاجئ أب بنته خلال حفل تخرجها، لدرجة أن كتير من الناس علقوا على موقف الأب اللي أثار غضبهم
بس السؤال هنا: هو إيه اللي حصل في حفلة التخرج؟ وياترا الأب قدم إيه لبنته في الحفلة؟ والبنت علقت وقالت إيه على موقف والدها؟
الساعات الأخيرة انتشر فيديو على مواقع التواصل الإجتماعي بيظهر فيه أب بيحتفل بتخرج بنته لكن بطريقة مختلفة شوية، كتير من الناس استغربتها ومش بس كده دي كمان عبروا بتعليقاتهم عن غضبهم من تصرف الأب.
وده عشان هادى بنته روب وطاقية مصنوعين من الفلوس، عشان كده البنت طلعت وردت على كلام اللي اتقال الساعات الأخيرة
بس يا ترا البنت ردت وقالت إيه؟ بص يا سيدي، بحسب تصريحات نورا عادل، صاحبة روب الفلوس لموقع العربية، أنها كانت مبسوطة جدا بتصرف والداها بعد ما لبسها الروب والطاقية اللي اتعملوا من الفلوس من فئة الـ 200 جنيه ووصلت قيمتهم 50 ألف جنيه تقريبا
وقالت كمان أنها بعد ماشافت التعليقات السلبية على الفيديو في مواقع التواصل الإجتماعي، فرحتها اتكسرت وزعلت جدا من تعليقات البعض عليها و على والدها
ولما إتسألت عن مصدر الفلوس اللي اتعمل منها الروب؟ ردت وقالت أنها من ضمن فلوس جهازها، ووالدها فكر يفرحها اليوم ده وعمل الروب والطاقيه منهم لحد ما الحفلة خلصت ورجع الفلوس تاني مكانها
بس إيه حكاية الفيديو ده؟
حسب قناة العربية، الفيديو بيظهر فيه أب بيغطي بنته بفئات من العملات النقدية أثناء حفلة تخرجها من كلية الآداب في سوهاج، وبعد انتشر الفيديو إنهالت التعليقات بين مؤيد ومعارض.
منهم جزء شاف موقف الأب ده محاولة لركوب التريند ولفت الأنظار ليه، أما الجزء تاني شاف أنه زيه زي أي أب من حقه يفرح ببنته بالطريقة اللي هو شايفها.
مش ده الموقف الوحيد اللي أثار الجدل بين رواد مواقع التواصل الإجتماعي، وده عشان من فترة ظهر فيديو على الفيس بوك بين أب وبنته ووقتها انتشر بشكل واسع جدا.
لكن إيه حكاية الفيديو ده؟ بص يا سيدي، الأيام الأخيرة انتشر فيديو على مواقع التواصل الأجتماعي ظهر في بنت بتصور والدها وهو بيوصلها للجامعة.
الجميل في الفيديو ده أنه مظهرش أي ملامح للأب لكن مشاعره وصلت للناس كلها، وده لأن البنت صورت والدها و هي راكبة وراه على عجلته البسيطة الساعة 6 الصبح عشان يوصلها للجامعة وهي رايحة الامتحان.
وحسب أية صاحبت الفيديو لموقع الطريق، أنها عملت كده عشان تفرح باباها بالفيديو ده ومكنتش متوقعة حجم التفاعلات اللي كانت عليه وكم الدعوات لوالدها العظيم اللي بيحتوي بنته، ده كمان أطلقوا عليه وقتها “سوبر بابا”.
وقالت كمان أن دايما والدها الداعم ليها في كل خطوة، وهو نموذج للأب المكافح عشان خاطر ولاده.
ودلوقتي قولنا رأيك في تصرف الأب في حفلة التخرج؟
