أسرار مستريحين مصر أغرب من الخيال وبداية ظهورهم

خلال السنين الأخيرة، النصابين كثروا وتحديدا المستريحين، وللأسف الناس في كل مرة تقع في نفس الفخ. لكن السؤال هنا: ما معنى مستريح؟ ومتى ظهر هذا اللقب ؟ وما حكاية أول مستريح في مصر؟ ومن آخر مستريح قبض عليه؟

كل يوم والتاني بنسمع عن مستريح جديد بيقدر يستولى على فلوس أهل قرية أو بلد معينة وبيجمع ملايين من وراهم، بس هو يعني إيه مستريح أصلا وليه الناس بتقول على النصاب أنه مستريح؟

بص يا سيدي بحسب موقع الدستور السبب ورا إطلاق لقب مستريح على النصاب بيرجع لنصاب مشهور في الصعيد كان اسمه أحمد مصطفى وكان مشهور بـاسم ” أحمد المستريح”

حكاية أحمد المستريح

انا هقولك، في سنة 2015، ظهر أحمد مصطفى وده كان واخد وعد ناس كتيرة في الصعيد بمكاسب كبيرة من خلال توظيف الأموال، لكن بشرط أنهم يشيلوا فلوسهم معاه، مقابل فائدة مالية تصل إلى 11%.

وفعلا عدد كبير من المواطنين باعوا كل اللي حيلتهم من أراضى وذهب و”تحويشه” العمر عشان يحطوها بين ايدين المستريح لتوظيفها والحصول على مكسب يريحهم من شقاء الزراعة والعمل فى الخارج.

واللي شجعهم على كده انه كان شغال في معرض سيارات وبينزل البلد في المناسبات بس بيكون راكب عربيات غالية.

واستمر مستريح الصعيد على كده لحد ما قدر يجمع 30 مليون جنيه، وبعد ماجمع الملايين دي، الأهالى اتهموه بالنصب والاحتيال وقدموا بلاغ ضده، عشان يتم القبض عليه

وبالفعل اتقبض عليه من مباحث الأموال العامة واتحكم عليه بـ 15 سنة سجن ومن ساعتها أي نصاب بيجمع فلوس من الناس بنقول عليه مستريح

وكان آخر المستريحين المشهورين دول هو مستريح سوهاج اللي اتقبض عليه، واعترف أنه نصب على الأهالي في سوهاج وجمع منهم 7 مليون جنيه بحجة توظيف أموالهم في الاستثمار العقاري

ده كمان من شهور الحكومة أعلنت القبض عن واحد من أخطر المستريحين في أسوان واللي اسمه مصطفى البنك المشهور بـ ” مستريح المواشي” واللي حكمت عليه المحكمة بـ 15 سنة سجن وغرامة 50 مليون جنيه بالإضافة لرد المبالغ اللي أستولى عليها من الأهالي

حكاية مصطفى بنك أو مستريح المواشي

بص يا سيدي بحسب المصري اليوم، مصطفى ده كان سواق توكتوك وكان خرج من السجن من فترة، وفي يوم اختفى لمدة 3 شهور لحد ما ظهر وبدأ يعمل حلقات ذكر ويوزع لحوم على الغلابة طبعًا عشان يقدر يضحك على الناس

وبدأ يعلن عن نظام جديد لجمع الفلوس وده عشان يخدع أكبر عدد من الضحايا في أسوان وهو أن يشتري منهم المواشي بمبلغ كبير جدا عشان يستثمره ويرده بعد فترة بأرباح كبيرة.

َفي الأول مصطفى كان ملتزم بالوعد ده وكسب ثقة الأهالي لحد ما بدء يتهرب منهم وميسددش أي فلوس عليه

وبعد كده الأهالي بلغوا عن مصطفى وقدرت الداخلية أنها تقبض عليه وهو مستخبي في صحرا في مركز أدفو، وكان معاه حوالي 9 ونص مليون جنيه

وعلى فكرة مستريح أسوان مخدش غير 45 يوم بس عشان يجمع كل الفلوس دي من الأهالي، وده نقلًا عن المصري اليوم

ودلوقتي قولنا إيه آخر مستريح سمعت عنه؟