عمرو أديب يكشف مفاجأة من الحكومة خلال ساعات لحل أزمة الدولار

لو كنت تفكر في مستقبل سعر الدولار في مصر وقلق على الجنيه وتريد أن تعرف ماذا سيحدث الفترة القادمة، فإن هذا التقرير من أجلك.

وده لأن عمرو أديب طلع وقال تصريحات نارية عن مشكلة الدولار وأكد أنها مستمرة معانا لأخر السنة، فـ ياترى إيه خلاه يقول الكلام ده وإيه اللي هيحصل للجنيه الفترة الجاية

عمرو أديب طلع وقال تصريحات نارية في برنامج الحكاية، أكد فيها إن مشكلة الدولار مستمرة معانا لاخر السنة .ده كمان قال إن سعر الدولار في السوق الموازية تراجع في الفترة الحالية، لكن بردو لسه بعيد جدا عن سعر الصرف الرسمي.

وإن الدولة محتاجة من العملة الصعبة حسب تصريحات وزير المالية الدكتور محمد معيط 9 مليار دولار شهريا، وده اللي بيوازي عائد قناة السويس سنويا.

لكن أديب كان شايف إن بعض الناس اللي بتحب مصر بيقدموا اقتراحات مدمرة لمصر لكن مرضيش يخوض في تفاصيل المقترحات دي.

لكنه أكد إنه لازم يتم التعامل مع مشكلة الدولار وإننا نحاول نعالجها من غير ما نقعد نركز في الأسباب، وقال إن الحلول اللي كانت مطروحة هو الإعلان بيع عدد من المشروعات وده ممكن هيحصل يوم الأحد أو الاتنين .

ولو تفتكر وزيرة التخطيط سبق وقالت في مداخلة هاتفية مع عمرو اديب ان الحكومة هتعمل مؤتمر بعد إجازة عيد الأضحى للإعلان عن الصفقات اللي تم بيعها من خلال برنامج الطروحات الحكومية.

والمفاجأة إن عمرو أديب كان شايف في تصريحاته إن الفجوة الدولارية اللي بتعاني منها مصر مستمرة معانا لاخر السنة وعشان كده الحكومة لازم تتعامل مع الأزمة بشكل واضح.

عمرو كمان قال إن مصر محتاجة تطلق مشروع قومي في قطاع السياحة باعتبار أن القطاع ده هيقدر يتيح عملة صعبة لمصر في أسرع وقت.

وده لأنه كان شايف أن الدولة اتاخرت كتير في النهوض بقطاع السياحة، وإنه عندها اللي يخليها إنها تكون متميزة في قطاعات أكتر من الزراعة والصناعة.

وإن الحكومة لازم وبشكل ضروري تحط استراتيجية شاملة لقطاع السياحة، خطة يعني واللي هتكون شاملة تطويرا كل جوانب القطاع وده طبعا باعتبار أن عوائده السياحة أسرع من أي حاجة تانيه.

خاصة وإن القطاع بيحقق إيرادات 90 مليار دولار، واحنا محتاجين 115 مليار دولار. وده لأن السياحة من الاخرهي الحل الوحيد لحل أزمة الفجوة الدولارية في مصر.

كمان أديب أكد إن حجم الفجوة الدولارية بيبلغ 20 مليار دولار، ومواجهة الفجوة دي بيتطلب تقليل الواردات قدر المستطاع.
وعشان كده، أديب توقع إن الحكومة تحط قيود على السلع اللي بيتم استيرادها من الخارج الفترة الجاية.

وده لأنه كان شايف إن الفجوة الدولارية اللي بنعاني منها حاليا مش هتدي للحكومة حلول كتيرة، واللي انتقدها لأنها بتتعمد سياسة التكتم في التعامل مع الأزمة.

وقال إن الحكمة بتستلزم ضرورة التأني في اختيار السلع اللي تمنع الدولة استيرادها، بشرط إن القرار ده ميعملش أزمة في مصر أو يثير مشكلة لأي صناعة محلية.

ورغم إن الكلام اللي قاله عمرو أديب في شيء من المنطق لكن الحكومة من كام يوم بس طلعت ونفت الأنباء اللي بتقول إن تم حظر استيراد بعض السلع لمدة شهور.

ووزارة المالية أكدت أن المنشورات اللي طلعت بتعليمات جديدة منسوبة لرئيس مصلحة الجمارك بحظر استيراد عدد من السلع لمدة 3 شهور مش حقيقي .

والسؤال هنا تفتكروا كلام عمرو أديب هيطلع حقيقي وإن الحكومة هتضطر تعمل حظر لاستيراد بعض السلع ولا هتحل أزمة الدولار إزاي؟.. قولولنا رأيكم؟