الفنانة جيلان علاء صدمت الجمهور بفيديو مثير ظهرت فيه وهي وشها منتفخ وشفايفها باظت والغريبة إن شكلها كان يعجبها وشكرت الدكتور الخاص بها وكانت تريد كل شلتها تذهب لنفس الطبيب ليتحولوا إلى ملكات جمال مثلها
وفي الفيديو اللي معايا ده هقولك إزاي جيلان نفخت شفايفها وبوّظت وشها كده؟ ومين اللي قالها تعمل كده وكان إيه اللي بيدور في دماغها وهي بتلجأ للتجميل بالطريقة دي.. تابعوني لنهاية الفيديو عشان تعرفوا كل التفاصيل.
الناس خيبتها السبت والحد وجيلان علاء خيبتها موردتش على حد.. هي نفسها اللي قالت على نفسها كده بس الكلام ده وهي بتشتري اوردرات أونلاين وتلبسها في الآخر.. بس النفخ والفيلر اللي عملته عاجبها ومش شايفة ده خيبة ولا حاجة وبتشكر الدكتور بتاعها أنه خلاها أجمل وأحلى من الأول ومبسوطة بالتجميل اللي عملته وشكلها اللي اتغير وده اللي صدم الجمهور وخلاه مش عارف يفرحلها طالما راضية ولا يحزن عليها وقولها إنها بوّظت شكلها وبقت أوحش من الأول.
ليه نفخت شفايفها؟
الناس اتفاجئت بشكل جيلان علاء الجديد وهي نافخة وشها وشفايفها لدرجة إنها مش عارفة تتكلم كلمتين على بعض وعينها مكرمشة بسبب الفيلر واللي عملته.. وده كان واضح وهي عمالة تشكر الدكتور اللي عملها الفيلر وبتقوله إنها مبسوطة منه عشان متوجعتش ووشها بقى أحلى من الأول وإنها كانت شايلة همْ إنها تقوم كل يوم من النوم الصبح وشكلها مش لطيف دلوقتي الموضوع بقى أسهل عليها وزي ما يكون كده فارق معاها في تحسين نفسيتها.. واعتبرت إن الدكتور مكسب لكل شلتها اللي تعرفها وده دليل إنها هترشح الدكتور ده لصاحباتها عشان يعملوا عنده أي تجميل محتاجينه.. وقالت في التعليق على الفيديو إن الفيلر كان من غير ألم.
كانت بتفكر إزاي؟
ياترى جيلان علاء كانت بتفكر إزاي وهي بتبوظ شكلها كده وإيه اللي كان بيدور في دماغها وإزاي شابيفها إنها كده حلوة وملكة جمال؟.. هفاجئكم بقى إنها عملت الفيديو ده عشان تقول للناس نصيحة بس بشكل ساخر شوية إن الفيلر والنفخ بيبوّظ الشكل مش بيخليه جميل وطبعًا هي كانت بتتريق على الفنانات والمشاهير اللي بيلجأوا للفيلر والبوتوكس وبيبوظوا شكلهم.
اللي كان واضح من التعليقات على الفيديو إن هي معظم فيديوهاتها تريقة على الستات اللي نافخة واتضح إن ده فلتر بيغير الشكل خالص.. لدرجة إن في ناس صدقت شكلها اللي اتشوه وقالوا لازم تعمل شكوى في النقابة ضد الدكتور اللي شوه وشها كده مش تشكره على اللي عمله ومستغربين.. بس الناس اللي عارفين الفلتر قاموا بالواجب وقالوا على اللي جيلان عملته وكشفوا سرها.
متعودة على السفْ
تقدروا تقولوا كده إن الفنانة جيلان علاء متعودة على السفْ يعني ممكن تقلد وتتريق على أي حد وبتعمل مقاطع ساخرة وتقدر تضحك الناس ووشها مقبول قدام الكاميرا وبتعرف تعمل ده كويس.. واتشهرت على السوشال ميديا لما قلدت بعض الفنانين وده خلاها تكتسب مهارات قوية جداً عملت بيها جمهور على السوشيال ميديا وده طبعًا بسبب الفيديوهات الساخرة اللي بتقلد فيها المشاهير.
وهي خدت على الجو ده واللي يشوف حسابها على إنستجرام هيلاقي مشاهدات كبيرة والناس بتضحك ومبسوطة وعشان كده هي مكملة.
مين هي جيلان علاء؟
وجيلان علاء تعتبر مذيعة وممثلة كوميدية اتولدت في القاهرة ودخلت عالم الشهرة بعد ما قدمت برنامج “أسعد الله مساءكم” مع الفنان أكرم حسني.. وكمان قدمت برنامج يومي اسمه “أول ما تقوم من النوم” على إذاعات النيل ونغم FM.. وعلة مستوى التمثيل كان أول ظهور ليها في مسلسل “نصيبي وقسمتك 2” وبعدها في مسلسل “ريح المدام” وكملت مشوارها بعد كده وعملت جماهيرية كبيرة.
