مازال الكلام عن علاقة حسن شاكوش بالفنانة حورية فرغلي منتشر بصورة كبيرة على مواقع التواصل الاجتماعي ،فما حقيقة هذا الكلام ولماذا هددت حورية فرغلي برفع قضية تشهير؟ تابعونا لمعرفة التفاصيل:
من يومين كدا انتهت علاقة حسن شاكوش وريم طارق ، وتم الإعلان عن انفصالهم رسمي وانه طلقها غيابي على ايد مأذون ، وبعدها بكام ساعة اتفاجئنا بريم طارق طالعة في التلفزيون مع بسمة وهبة وفتحت صندوق أسرار طليقها حسن شاكوش وقررت بقى تقول كل اللي عندها.
مش عارفين ليه دلوقتي تحديدا طلعت ريم واتكلمت بعد ما انفصلت رسمي، لكنها قالت كلام كتير وكشفت فضايح واسرار عن حسن ، وأكتر حاجة قالتها لفتت نظر الناس واتعمل عليها قصة هي ان حسن شاكوش كان على علاقة بفنانة من الوسط ، تالت حرف من اسما ” ر” ، وانها كانت بتعاني من ازمة صحية من فترة ، وحسن راحلها الشاليه بتاعها في العين السخنة ولما رجع بعتتله رسالة تطمن عليه وقالتله وصلت يا حبيبي؟
ده الكلام اللي قالته ريم طارق بس مقالتش بقى مين هي الفنانة دي ، لكن الناس كلها خمنت انها حورية فرغلي وبدأ الكلام يكتر عليها ومحدش عارف الحقيقة فين ، ولما الموضوع زاد عن حده ، حسن شاكوش طلع اتكلم عشان يحسم الجدل عن علاقته بحورية وكمان يعتذرلها.
قال ايه بقى حسن ؟
انا محترم كل شخص وكل كلمة حتى لو هي عكس الحقيقة .. وسكوتي وعدم ردي شئ مريحني أكثر من الكلام ، ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية أحب أقول إن الفنانة حورية فرغلي لا يمسني بيها أي شئ غير أنها زميلة وصديقة عمل ومش فاهم سبب وجود سيرتها في الموضوع إيه من خلال البرامج.
وقال حسن على فيسبوك : أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس.. أنا دلوقتي بمتنع عن أي كلام في حاجة تخص حياتي الشخصية أرجوا احترام رغبتي مع احترامي لكل الصحافة المصرية ولكن الأخبار الغير حقيقية دي بتضعف موقفكم في يوم من الأيام لما الحقيقة تبان ،كل الاحترام والتقدير ليكي يا فنانة يا كبيرة وبعتذرلك مرة أخرى عن أي شئ اتحطيتي فيه”.
يعني حسن طلع قال ان حورية زميلته وصديقته بس وبيعتذرلها قدام الناس ان اسمها جه في حاجة زي كدا ، لكن المفاجآة اللي مكنتش على البال ولا الخاطر بقى ان حورية فرغلي طلعت وكدبت حسن شاكوش وقالت انها متعرفوش اساسا .. ايوووة زي ما بقولك كدا.
حورية كتبت على حسابها على فيسبوك : والله عمري ما شفت حسن شاكوش ولا أعرفه شخصيًا، تابعت تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص، ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هرفع قضية تشهير.
كلام حورية فرغلي جه عكس الي قاله حسن وانهم صحاب بس ، لكن الست قالت انها متعرفوش اساسا شخصياً وهو بالنسبالها واحد بيغني ، يعني احتمال كبير تكون فعلا مظلومة وملهاش علاقة بالموضوع ، وطليقته ريم عكت الدنيا لما قالت كدا وفتحت عليه النار ، عشان كل فنانة تالت حرف من اسمها “ر” هتطلع ترد وتتكلم والمشاكل تزيد عليه
مش بس كدا دي ريم قالت ان حسن مسجل الفنانة اللي تقصدها دي باسمها بالعربي على تليفونه وانها شافت بنفسها الاسم والمسجات ، وكمان في مرة الفنانة دي حبت تخلي مراته ريم تسمع صوتها وتعرفها انها مع جوزها
واضح ان ريم هتشتغل في الازرق لحسن ومش هتسيبه وهتاخد حقها منه وهتقلب عليه جمهوره وكل علاقاته بالوسط الفني
ياترى مين هي الفنانة اللي تقصدها طليقة حسن شاكوش ؟
