يحل اليوم الأحد، عيد ميلاد الفنانة سمية الألفي، حيث أنها ولدت في 23 يوليو عام 1953، وقدمت خلال مشوارها الفني عدد كبير من الأعمال الدرامية المختلفة التي تركت بصمة لدى الجمهور.
وتزامنًا مع ذكرى عيد ميلادها، تساءل الجمهور عن السبب الحقيقي وراء اعتزال سمية الألفي التمثيل.
سبب اعتزال سمية الألفي للتمثيل
وكانت سمية كشفت خلال لقاء تلفزيوني سابق مع الإعلامية رغدة شلهوب، سبب اعتزالها قائلة «أنا صحيت من النوم خدت القرار دا لقيت نفسي شايفة رؤية مستقبلية للي جاي أنه الفن رايح لمنطقة مش حلوة».
وتابعت: «كل ما السنين بتمر كل ما بكتشف ان انا كنت صح في الفترة اللي خدت فيها القرار لحد من أربع خمس سنين بدأ الشباب يطلعوا ويبدعون في السينما والتليفزيون وفرحانه بيهم».
وأضافت: «مش عاجبني الورق اللي كان بيجي الناس بتكتب إزاي كدا، مفيش موضوع مفيش هدف رغي بس، مش معقول مفيش حدث، طالعين ليه نضايق الناس ويزهقوا مننا، فمحبتش أشارك في الموضوع لا، فقلت أنا ماشية».
وفي وقت سابق، فاجئ الفنان أحمد الفيشاوي، الجميع بنشر مقطع فيديو جديد لولدته الفنانة سمية الألفي، على حسابه الشخصي، عبر موقع تبادل الصور والفيديوهات إنستجرام.
وظهرت سمية الألفي، خلال مقطع الفيديو أثناء تناولها الطعام وظهر خلال الفيديو بصوته، قائلا: “زي القمر ما شاء الله اللهم صل على النبي إيه الجمال ده، ده أحلى يوم في حياتي عشان أنا معاكي.”
اقرأ ايضا:
