حلت الفنانة حورية فرغلي، الساعات الماضية، ضيفة في لقاء مع ET بالعربي، والذي كشفت فيه عن تطورات وضعها الصحي بعد خضوعها مؤخرًا لعملية استئصال الرحم، بعد اكتشافها وجود 9 أورام خبيثة بالرحم.
وقالت حورية: “حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا”.
حورية فرغلي توجه نصيحة للفتيات بعد استئصالها للرحم.. فاجئت الجميع
وابعت: “ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قال لي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي.”
كما وجهت حورية فرغلي نصيحة للفتيات قائلة: “الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا”.
وأضافت: “اللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها، ولو رجع بيا الزمن هتجوز للإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر.”
وكانت حالة من الجدل الواسع، أثارتها ريم طارق، طليقة مطرب المهرجانات حسن شاكوش، بعدماأعلنت خيانته لها برفقة فنانة مشهورة ثالث حرف من اسمها “ر”.
من جانبها ردت الفنانة حورية فرغلي على تلك الاتهامات، قائلة: “والله عمري ما شفت حسن شاكوش ولا أعرفه شخصيًا”.
وأكملت: ” تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص”.
وأضافت: “ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هعمل مصيبة وهرفع قضية تشهير.”
