تصدرت الشيف هالة فهمي، أخبار مواقع التواصل الاجتماعي، الساعات الماضية، بعدما انهارت من البكاء على الهواء في أول ظهور لها بعد وفاة زوجها.
وبكت هالة فهمي خلال تقديم برنامجها “ست الحبايب” على قناة “هي”، وفي مقدمة حلقة اليوم نعت زوجها وهي متأثرة.
انهيار الشيف هالة فهمي على الهواء
وقالت هالة: “إيهاب مكنش بس جوزي ولا عشرة عمري كان أخويا وأبويا وابني، أنا اتجوزته وأنا صغيرة، أنا عشت معاه أكتر ما عشت في بيت أبويا”.
وأضافت: “لما أبويا مات محستش بالإحساس اللي حساه دلوقتي، وحتى أمي لما ماتت زعلت طبعا لكن غير اللي حاسه بيه دلوقتي”.
وأكملت: “أنا الفترة اللي فاتت دوقت طعم المرار حتى بوق المايه طعمه مر حاسه أني لوحدي رغم كل الناس اللي حواليا”.
وتابعت: “أول مرة أطلع حلقة وهو مش قاعد يتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي كان يركز وقت البرنامج ويطلب يفتحوا التليفزيون”.
