علّق الإعلامي تامر أمين، على إعلان المطرب الشعبي رضا البحراوي، استقباله لمولوده التاسع، والذي أطلق عليه اسم «ريان».
وقال أمين خلال تقديمه لبرنامج «آخر النهار»، المذاع عبر فضائية «النهار»،: «أولًا ألف مبروك يا رضا ويارب تفرح بذريتك، وقبل ما تكلم ربنا يزيد ويبارك وربنا يديك الصحة، بسم الله ما شاء الله، بس كلامي لرضا وكل رضا أنا بسأل سؤال مش كتير علينا إحنا».
تعليق مثير من تامر أمين بعد إنجاب رضا البحراوي مولوده التاسع
وأضاف: «هتقولي وإنت مالك، هو إنت اللي هتصرف عليه وهتربيه، هقولك ربنا يقدرك وتطلعه أحسن الناس، بس هو كتير علينا وعلى مصر، وكلامي مش بس لرضا، كلامي لكل الناس التانية اللي فاتحة باب الخلفة على البحري، كتير علينا».
وأكمل: «4 مواليد كل دقيقة عايزين 4 أماكن في المدارس، و4 أماكن لا قدر الله لو مرضوا في المستشفيات، وعايزين 4 أماكن في المواصلات، ودعم وبطاقات التموين وشقق وفرص عمل».
واختتم «خد عزوتك من أصحابك وأهلك وأولادك، لكن كفاية اثنين أو ثلاثة أو أربعة، لكن تسعة، ورضا لسه شباب، يعني لو كمل على المسيرة دي مش هنلاحق عليه”.
وأضاف: “بسم الله ما شاء الله، ربنا يديك الصحة، القصة هنا مش رضا، أنا بقول لكل الناس في مصر براحة على مصر، إنتوا شايفين الأوضاع والأزمات والأسعار والموارد، واحدة واحدة».
وكان صرح رضا البحراوى خلال لقائه ببرنامج “صاحبة السعادة” إنه متزوج من اثنين ولديه 8 أبناء، وأضاف قائلًا “بحب العزوة والأطفال”.
