حالة من الجدل الواسع، أثارتها الفنانة انتصار، الساعات الماضية، بعد تصريحات مثيرة لها أثناء تواجدها في حفل ملكة جمال مصر.
وقالت انتصار: “حاجة حلوة إننا يكون عندنا مسابقة في مصر لملكات الجمال.. وأنا طول عمري ملكة جمال ولغاية دلوقتي.”
انتصار تفاجئ الجميع بتصريحات مثيرة
وتابعت: “هفضل شايفة نفسي كده لحد ما اموت”.
وفي وقت سابق، وجهت الفنانة انتصار، مجموعة من النصائح التي يجب على الرجل اتباعها خلال لقائه الأول مع حبيبته، وذلك خلال برنامجها “من غير نفسنة” الذي تقدمه مع الفنانة بدرية طلبة ونوليا، عبر شاشة قناة “هي”.
وقالت انتصار: “اللقاء الأول ده يا إما هنكمل مع بعض يا إما مش هنكمل القاعدة مش العلاقة، وأوعوا تقابلوا بعض وتقولوا عشاء أو غداء”.
وأضافت: “وأنت إياك تعزمها على غداء أو عشاء، لأ تقولوا هنشرب حاجة مع بعض، علشان لو أنت قعدت معاها واتضايقت من حاجة زي مثلًا نبرة صوتها تفاهتها أو ريحتها، متدبسش في 6 ساعات، لكن هتشرب حاجة في نص ساعة وتقولها هشوفك بقى وتليفونات، ده لو أنت اتخنقت نتيجة غباوتها وعينك مش طايقة تشوفها.”
وتابعت: “لو عجبتك قولها طيب تحبي نتعشى؟ ولو هو اللي مش عاجب البنت ترفض أنها تتعشى وتشرب حاجة وتمشي، ولو عجب البنت تقوله أنا عزماك على الغداء، وتلزيق المحبين ده.”
