حالة من الجدل الواسع، شهدتها مواقع التواصل الاجتماعي، بعد تداول مقطع فيديو لطفل وهو في حالة بكاء هستيري خلال مذاكرته.
وظهر الطفل جورج في الفيديو وأمه تقوم بتصويره وهو يبكي ويقول: «المهم الإنسان مش المذاكرة» الأمر الذي جعله يتصدر التريند.
“فيديو كسر الدنيا”.. أول تعليق من والدة طفل «الإنسان أهم من المذاكرة»
من جانبها كتبت مريم هاني والدة الطفل جورج على صفحتها على موقع الفيس بوك بعد الجدل الذي أحدثه الفيديو: «باختصار كدة بخصوص فيديو جورج (الإنسان أهم ولا المذاكرة) إحنا أسرة عادية جدا عايشين في الصعيد وعيالنا موهوبين جدا، فطبعا بعيد عن الأضواء والفرص الحقيقية وده خلى إظهار الموهبة أشبه بالمستحيل بس كل اللي في إيدي إني أحاول أصور أي حاجة بسرعة لأنه بيفرح من تعليق الناس وأنه اتشاف».
وأكملت: «الولد بيحب الدراما قوي وبيدخل في المود بسرعة ومن صغره كيوت وكلامه حلو كده وكبير وبيبقى نفسي أصوره وهو طعم كده بس مش بعرف كتير وأنا مش شاطرة في ده بس بيفرح قوي لما بيشوف رد فعل الناس من أي حاجة تنزل تخصه حتى لو ده قليل جدا».
وتابعت : «لكن اللي ماعملتش حسابه انتشار الفيديو كده بالملايين ده وسع دايرة رؤيته جدا وخلي لما الناس اللي ماتعرفناش تشوفه يبصوا عليه بشكل مختلف ده اللي عمل لبس في الموضوع ووضعه في سياق غيره خالص بكم من الخيالات غير عادي».
واختتمت: “الحقيقة هو بيشكر كل الناس اللي اهتمت بيه وفرحان أنه بقى مشهور والناس حبيته واكتشفت قد إيه هو موهوب رغم صغر سنه”.
اقرأ ايضا:
