اشترى لها هدية ضخمة ثمنها 10 مليون جنيه.. ومصمم فستانها وضعها في أكبر ورطة.. خطوبتهم قلبت السوشيال ميديا والقبلات والأحضان ما بينهم قبل الزواج تسبب في ضجة.
حكاية أضخم هدية جابها مطرب المهرجانات مسلم لخطيبته.. رد فعل طليقته ميكا البغدادي مفاجأة للكل.. وتعليقه على سيشن الخطوبة مفيش عقل يصدقه.
يا ترى اتعرف على خطيبته امتى؟.. وإيه حكاية الهدية اللي جابهالها؟.. إيه حكاية فستانها المنحوت من تصميم تاني وإزاي اتحطت في الورطة دي؟.. إزاي نسي طليقته وأم ابنه بالسرعة دي؟.. وإيه تفاصيل العلاقة ما بينهم؟.. الفيديو ده هتلاقوا فيه تفاصيل هتعرفوها لأول مرة بالذات بعد ما خطوبة مسلم ويارا قلبت الدنيا كده.. يلا بينا نعرف الحكاية.
الفرح خلص وكل واحد من المعازيم طلع على بيته.. وفضلت الذكريات الحلوة هي اللي مكملة معاهم.. مطرب المهرجانات مسلم عمل لخطيبته يارا فرح يتحاكى بيه الكل كان جوه قصر البارون وحضره مطربين مهرجانات وفنانين ونجوم كورة كتير جداً.. ومسلم فاجئ الكل بتعليق كشف سر العلاقة بينه وبين خطيبته وبدأت من امتى.
الحكاية إن مسلم نشر صورة ليه على حسابه في إنستجرام وقال إن نهاية سنة 2023 خلتها أجمل سنة بالنسبة ليه عشان عرف فيها أجمل يارا يقصد خطيبته لدرجة إنها بقت أهم إنسانة في حياته.
مسلم بيحكي إنه تعب كتير في حياته وعشان كده ربنا بيعوضه بخطيبته يارا في حياته عشان وجوزها مهم جداً بالنسبة ليه.. قابلها بعد ما حصلتله مشاكل كتير وبيتمنى إنها تكون العوض بالذات إنه بيحبها جداً وشايفها أجمل واحدة.
طبعاً مسلم ليه جمهور كبير جداً بيحبوه وعشان كده تفاعل معاه حبايبه كلهم وكتبوا ليه كلام بيعبر عن حبهم وأمنياتهم ليه بالسعادة والحياة الحلوة.. لكن الناحية التانية في ناس كانت بتحب علاقته هو مراته السابقة خبيرة التجميل ميكا البغدادي واللي كانوا شايفين إنهم كابل جميل ولايقين على بعض بالذات إن في بينهم ولد صغير استغربوا إنه نسي ميكا بالسرعة دي وخطب.
حكاية مسلم مخلصتش لحد هنا ده كمان مسلم جاب لمراته هدية ضخمة جدا ودي عبارة عن عربية من نوع الچي كلاس ودي سعرها في السوق دلوقتي وصل 10 مليون جنيه.. واتصور هو ويارا تامر خطيبته الجديدة مع العربية الجديدة وقال إن العربية دي هي هديتها اللي بيهاديها بيها وعشان الكلام ميكترش عن العربية والهدية قفل خاصية التعليقات عشان محدش يكتب كلمة كده ولا كده.
خطوبة مسلم ويارا تامر لسه عاملة قلبان وده عشان حاجة تانية كان اتورطت فيها ميكا البغدادي من غير تعرف شكلها.. وصاحب الورطة دي هو مصمم الأزياء إسلام سعد اللي عملها فستان الخطوبة.. أهوه بقى طلع منحوت من تصميم مشابه والصورة اللي فيها مقارنة ما بين الفستان المنحوت وتصميم إسلام لفت السوشال ميديا وواخدة كمية تريقة كبيرة جداً.
رد فعل ميكا البغدادي على خطوبة جوزها السابق مطرب المهرجانات مسلم إنها نشرت صور ليها من سيشن عملته قالت فيه إنها مركزة في شغلها وتربية ابنها الوحيد من مسلم.. مش بس كده دي كمان نشرت فيديو لواحد بيرقص ومكتوب عليها أهلي فاكريني قاعدة في الاوضة مشغلة أغنية حزينة وأنا أصلا برقص وفرحانة.. وواضح إن ميكا كانت عارفة حوار خطوبة مسلم ده من قبل الفرح اللي اتعمل وعشان كده كان ليها صورة مع ابنها قالت فيها إنه هو اللي هتكون مسنودة عليه طول العمر وبتتمنى تشوفه أحسن منها.
