حلت الفنانة ميسرة ضيفة على برنامج “شاي بالياسمين” تقديم الإعلامية ياسمين الخطيب ويعرض على قناة “النهار”.
وتطرقت ميسرة خلال حديثها عن علاقتها بالزعيم عادل إمام ومشاركته عددا من الأعمال السينمائية منها “بوبوس” و”السفارة في العمارة”، وعلاقتها بنجوم ونجمات الوسط الفني، ومشاريعها الفنية خلال الفترة المقبلة، إلى جانب كواليس وأسرار عن حياتها الشخصية كشفت عنها لأول مرة.
وعن سبب عدم زواجها، قالت: “متجوزتش ولا مرة .. مش شايفاني مبسوطة إزاي مقبلة على الحياة، وطبعًا فيه رجالة كتير كويسة بس انتي مابتحكميش أن الراجل ده كويس ولا وحش وانتي بتحكمي عليه أن الراجل ده شخصيته هتناسبك ولا لأ، ومكنش فيه ولا واحد مناسب وشغل الميديا والإعلام بياخد من الوقت كتير جدًا ووقت ما كنت بشتغل كتير ماكنش فيه حياة اجتماعية اللي تأهلك تشوفي أكتر من حد وأكيد مش هتجوز واحد شافني في السينما وأعجب بيا”.
وعن تصريحها برغبتها في الزواج من المراسل الفلسطيني الشهير وائل الدحدوح، قالت إن الدحدوح يعد رمزًا للرجل الفلسطيني الذي يؤمن بقضيته مهما كان ثمنها.
وتابعت: «وائل الدحدوح مثال ورمز لجميع الفلسطينيين، مفيش أنبل من كده، كلنا نفسنا يسمحوا لينا بفتح الجهاد، أنا مش هقدر أشيل سلاح، لكن أقدر أساعد في التمريض، الفلسطينيين فخر لينا كلنا لإيمانهم بقضيتهم وإيمانهم بربهم».
واستكملت: “ومش هقدر أشيل سلاح لكن هقدر أقف معاهم وأكون مع الدكاترة ومفيش أنبل من كده، واحنا ماتحطيناش في ظروف مشابهة عشان يبقى فيه راجل بالمواصفات دي، والإنسان بيبان في الشدائد وهو بان معدنه لأن مفيش أشد من اللي هم فيه حرب وتجويع وتعطيش والعالم كله تخلى عنهم وماشوفتش راجل وقف معايا حتى ربع الموقف ده ومحستش براجل ان هو يبقى سندي واتعرضت لمواقف وتخلوا عني في أزمات كتير مالية ومشاكل عندي وكانوا عايزين بس يخرجوا ويضحكوا وأنا مش هديك وقتي عشان بس تستمتع”.
الفارق بين الرجل اللبناني والمصري
وكشفت ميسرة عن الفارق بين الرجل اللبناني والمصري، موضحة أن الرجل اللبناني أفضل من المصري في بعض الأشياء.
وبينت قائلة: «الرجل اللبناني يؤمن بحق المرأة أكثر من الرجل المصري»، مضيفة: «هناك مساواة أكثر بين الزوجين في لبنان، الرجل اللبناني بيعرف يعيش الست صح، وبيديها وضعها، بعكس المصري».
