كشفت زوجة مطرب المهرجانات عصام صاصا، تفاصيل زيارتها الأولى له في السجن، وذلك بعد الحكم بـ حبسه 6 أشهر، في اتهامه بالقيادة تحت تأثير المواد المخدرة، وحبسه سنة في قضية اتهامه بالتزوير في محرر رسمي.
ونشرت زوجة عصام صاصا، صورة جمعتها بـ نجلها رحيم عبر حسابها الشخصي بموقع إنستجرام، وكتبت: فيه ولد قمر هنا راح شاف بابا بعد 3 شهور، وبابا كان واحشنا أوي، رد فعل رحيم لما شاف باباه قهرني أقسم بالله، الحمد لله على كل حال.
نفت زوجة مطرب المهرجانات عصام صاصا، طلبها خلوة شرعية بزوجها بعد حبسه، وذلك بعد الأخبار التي انتشرت مؤخرًا عبر مواقع التواصل الاجتماعي.
وأكدت زوجة عصام صاصا في فيديو عبر حسابها بموقع إنستجرام، أن كل هذه الأخبار عارية تمامًا من الصحة، وأن كل ما في الأمر أنها طلبت تصريح زيارة لزيارته كونها لم تزره منذ فترة، مؤكدة أنها اتخذت إجراءات قانونية ضد من أذاع ونشر هذه الأنباء.
وقالت زوجة عصام صاصا: مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب؟
وأضافت زوجة عصام صاصا: دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟
وتابعت زوجة عصام صاصا: أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته.
مقالات أخرى قد تهمك
بعد فسخ خطبتهما 3 مرات.. مسلم وخطيبته يثيران الجدل بشأن عودتهما
هذه الطفلة أصبحت فنانة شهيرة شديدة الجمال تنافس احلى الفنانات.. من هي؟
وأكملت: أنا أخدت إجراء ضد أكتر من أكونت بيسوأ في سمعتي وبيشهر بيا، وده حقي ومش مسموح حد يسيئ ليا ولجوزي، ومش هسمح حد يتكلم عليه ومش هسمح حد يغلط فيا أو يسوأ سمعتي.
وأردفت زوجة عصام صاصا: أنا متضايقة ومش عارفة أنا أذيت مين علشان يتقال عني كده؟ أنا عندي مشاعر وبزعل ولما يتقال عليا كلام وحش بزعل، لكن لازم أوقف المهزلة دي لأن البلد فيها قانونية، وبنفي صلتي بأي خبر كذب نزل، أنتم بتتكلموا في عرض وحاجة مش مسموح بيها وأنا مصرحتش بيها.
