نشرت قناة “النهار” الظهور الأخير للفنانة ناهد رشدي على برنامج “الستات” تقديم مفيدة شيحة، وانتقدت خلاله إحدى الفنانات التي تعاونت معها بأحد الأعمال التلفزيونية خلال الفترة الماضية
وبسؤالها من قبل مفيدة شيحة: “مين فنان أو فنانة من الجيل ده مزعلك؟”.
وردت ناهد رشدي قائلة: “انا مش عارفة اسمها، هي بتقول انها مثلت كتير وعملت كتير عملت ايه مش عارفة؟، وكانت بتعامل الناس كأنها نجمة وكانت البطلة ساعتها ياسمين صبري، وياسمين صبري في اللوكيشن بني ادمة تانية خالص وهي بطلة العمل لذيذة وأموره وطيبة ومتواضعة جدًا يعني لما تبقى هي النجمة والبطلة ويقعدوها في الدور التاني وتسكت وتقول حاضر، وأنا قاعدة تحت واتكسفت لها”.
وأضافت: “والتانية اللي مش عارفة هي مين بتتعامل بعجرفة، وأنا مش زعلانة منها لكن ليه؟، وفي واحدة تانية برضه مش زعلانة منها عشاني، وكان فيه ممثلة حكولي الموقف انا مكنتش موجودة، كانت مع الفنانة الله يرحمها محسنة توفيق وكان المفروض العمل اللي شغالين فيه في حارة، ومحسنة قالت لها مينفعش اللبس ده هي عايشة في حارة واحنا غلابة، ردت عليها قالت لها والله المخرج شاف لبسي وموافق، وكان الرد قليل الذوق وهي غيرت اسمها ولو قولت اسمها مش هتعرفوها”.
يذكر أن الفنانة ناهد رشدي شاركت في بطولة عدد كبير من الأعمال الفنية، ومن بين أشهر أدوارها شخصية سنية في مسلسل “لن أعيش في جلباب أبي” أمام النجوم: نور الشريف، عبلة كامل، محمد رياض، وفاء صادق، منال سلامة، ياسر جلال، رشوان توفيق.
