علقت الفنانة رانيا يوسف، على الجدل المثار مؤخرًا بسبب فيلم أوراق التاروت، وتحويل صناعه للتحقيق بعد استعانتهم بالبلوجر علي غزلان، خلال أحداث العمل، مخالفين بذلك قرار نقابة المهن التمثيلية.
وقالت رانيا يوسف، في لقائها مع برنامج ET بالعربي: أنا أول مرة أعرف أن أبطال فيلم التاروت اتحولوا للتحقيق، عرفت من السوشيال ميديا، ومعرفش أي معلومات جديدة عن الفيلم لأننا صورناه من سنتين، وكان المفروض فاضل لينا يوم أو اتنين ودي حاجة ترجع للمنتج أنا ماليش دخل خالص.
وتابعت رانيا يوسف، حول التحقيق معها، قائلة: أنا أتحول للتحقيق ليه هو أنا اللي جبت البلوجر؟، أشك إن دكتور أشرف قال كده، اللي يتحول للتحقيق المنتج أنا دخلي إيه؟ وأنا أول مرة أعرف أن فيه بلوجر معانا في الفيلم، بيعمل إيه وبيعمل أي دور؟
وعن سبب إثارتها الجدل، علقت رانيا يوسف: هما شافوا إني نجحت أوي في عمر أفندي، وفيه ناس مبيحبوش النجاح وبتحاول تحارب، فسابوا البغبغان والقطة ومسكوا في البوبي اللطيف والطيب جدًا.
وأضافت: الشخصية في فيلم التاروت عندها كلب في البيت إيه الغريب في الموضوع؟، ما كان فيه فيلم في مهرجان فينيسيا بطولة كلب إيه المشكلة؟، ولكن بما إن رانيا دايمًا تريند هما اللي بيثيروا الجدل وبيطفوه مع نفسهم، وأنا الحمد لله بشتغل وبنجح، ونجاحي بيضايق ناس كتير.
مقالات أخرى قد تهمك
أول تعليق من إيمان العاصي على جدل تشبيه “برغم القانون” بمسلسل “تحت الوصاية”
هذه الطفلة أصبحت فنانة ومطربة شهيرة وتزوجت 3 مرات.. من هي
