أعاد رواد مواقع التواصل الاجتماعي، تداول تصريحات سابقة للفنانة شيماء سيف، خلال حلولها ضيفة مع الفنانة إسعاد يونس.
وخلال اللقاء روت شيماء سيف عن موقف محرج تعرضت له عندما كانت مع زوجها المنتج محمد كارتر، في أحد المطاعم.
“كفاية أكل هيطلقك”.. سيدة تحرج شيماء سيف أمام زوجها
وقالت شيماء سيف: “كنت قاعده في مطعم مع جوزي جت واحدة شافتني باكل قالتلي كفاية يا شيماء هتروحي فين اكتر من كده هيطلقك “.
وعن ردت فعلها تجاه الموقف قالت شيماء سيف: “قُمت عيطت عياط مش طبيعي.”
وفي وقت سابق، كشف المنتج محمد كارتر عن سبب عدم إنجابه هو وزوجته الفنانة شيماء سيف بعد 6 سنوات من زواجهما، موضحًا أنه يعاني من مشكلة في الإنجاب وطلب من الجمهور الدعاء لهما.
وكتب محمد كارتر عبر حسابه على «فيسبوك»: «من فترة طويلة وأنا بسمع الناس لما بتقابل شيماء بتقولها أنتي لو خسيتي هاتخلفي ودلوقتي لما شيماء خست الناس لما بتقابلها بتقولها أيوا كده خسيتي يعني هاتخلفي وهي عمرها مافكرت ترد وبتقول إن شاء الله».
أضاف: «حتي الناس اللي أنا اعرفهم بيقولولي كده ومحدش فيهم ولا لحظة فكر إنها سليمة ومفيهاش أي حاجة ومعندهاش أي مانع إنها تخلف غير إنها مراتي ولو شيماء كانت اتجوزت أي حد غيري كان زمانها مخلفة عادي جدآ».
أشار: «النصيب والقدر خلها تتجوزني أنا ونكتشف بعد فترة إن عندي مشكلة في الإنجاب وهي علشان عارفة ربنا كويس قالتلي إن كل شيء بميعاد واحنا لسه ميعادنا مجاش وهايجي إن شاء الله دعوتكم».
اقرا ايضا:
