حلت الفنانة ملك احمد زاهر، الساعات الماضية، ضيفة في برنامج «الستات مايعرفوش يكدبوا»، المذاع على قناة «CBC»، تقديم الإعلاميتين إيمان عز الدين ومها الصغير.
وخلال اللقاء، كشفت الفنانة ملك أحمد زاهر، عن أسباب انخفاض وزنها، وظهورها بشكل نحيف الفترة الماضية.
لأول مرة.. ملك زاهر تكشف سبب خسارة وزنها بشكل كبير
وقالت: «جالي اكتئاب وقعدت فترة كبيرة مابكلش بشرب مياه بس وخسيت أوي بس مش بطريقة صحية، ووشي دخل لجوا، والناس فكراني تعبت، ولما بقيت كويسة رجعت أكل تاني، المشكلة لما بتخسي بطريقة غير صحية وترجعي تاكلي بتتخني فورا، ولحقت نفسي بسرعة، وعملت دايت وروحت الجيم، واستخدمت أدوية للمساعدة في التخسيس لكن تحت إشراف طبيب».
وفي وقت سابق، ردت الفنانة ملك أحمد زاهر على المنتقدين لاختيارها لملابسها، في مقطع فيديو من خلال خاصية “ستوري” على موقع تبادل الصور والفيديوهات “إنستجرام”,
وقالت ملك: “في واحدة بتقولي أنتي مكبرة نفسك كده ليه؟ مش عارفة أفاجئك بس أنا مش صغيرة ومش طفلة، أنا أه شباب بس مش طفلة”.
وتابعت أن هذا التعليق كان على الصور التي نشرتها خلال اجتماعها مع “صندوق الأمم المتحدة للسكان – مصر”.
موضحة أنها سفيرة لمبادرة هامة فمن الطبيعي أن ترتدي مثل هذه الملابس، وقالت: “أنا سفيرة لمبادرة مهمة عادي ألبس كده، أنتي عيزاني ألبس سبونج بوب وأنا رايحة الاجتماع”.
واستكملت : “وفي ناس بتكتب لي كنتي أحلى وأنتي تخينة، خسيتي ليه حرام عليكي؟ أنتوا عايزين مني إيه؟ ما كفاية بقى”.
اقرأ ايضا:
