قالت الفنانة بدرية طلبة إن زوجها توفي مقهور بسبب المسرح الذي كان يمتلكه مشيرة إلى انه كان حنين على بناته أكثر منها.
وأضافت بدرية طلبة خلال استضافتها عبر برنامج «أسرار» من تقديم الإعلامية أميرة بدر عبر قناة النهار: «زوجي كان عايز يموت والسبب انهم اخدوا منه المسرح وهنا اخدوا منه روحه والسبب كان فيه مشاكل المكان اللي ماجرين منهم المسرح وهما شايفين أن ده حقهم وهو شايف انه مش حقهم وكانت مشاكل كبيرة لكنه راح وساب كل حاجه واللي عرفته مؤخرا أن الحاجه اللي جوه المسرح اخدوها وباعوها وهي ملكه وهناك قضايا مرفوعة ومحدش يعرف انه اتقهر بسبب المسرح راح منه.
وتابعت: «هو قريب من بناته أكتر مني وحتي لو منفصلين لا تفكروا انني مش حنينه عليه أو ازعل عليه ده اللي بيموت عنده قطه بيزعل عليها، ايه الجبروت اللي عند الناس ده، وبعدين تجدي اسئلة هو انتي مش زعلانه، وسؤال تاني عن العدة، عدة، عدة ايه العدة في الشنطة انتو بتستعبطوا، هو انتوا عايزيني اقعد في بيتي، ده اللي بيلاقي حد قاعد في بيته مكتئب وزعلان بيقولوه انزل اخرج في النهاية انتوا مالكم اعمل اللي اعمله».
وقالت «بدرية» خلال استضافتها ببرنامج «اسرار» مع الإعلامية أميرة بدرة، قائلة: «ياسمين فضلت معايا على الشات بعد وفاة جوزي وأنا مسافرة فرنسا وكانت عايزة تجيب لى طائرة خاصة تجيبني عشان اطلع ادفن جوزي وهي واقفة معايا ومش كل حاجة تتحكي»
وأكدت بدرية طلبة أن ياسمين عبدالعزيز جاءت لها وعزتها في وفاة زوجها بمنزلها وصدمت من وفاة جوزي، مضيفة: «صدمتها لأني قبلها كنت بكلمها على الشات ومكنش في حاجة ثم فوجئت بخبر الوفاة على السوشيال ميديا وكانت هتمشي في الاجراءات عشان الطيارة وكنت بهديها وكانت هتتجنن عليا في الغربة وتعيط قبلي على جوزي».
وتابعت: «ياسمين عبدالعزيز مش محتاجة تكون حنينة مع حد وهي حنينه طول الوقت وفي ناس كتير حاولت توقع بيننا وأنا ماضية مع ياسمين مسرحية في السعودية وهي لها كام حد بتحبهم جدا أنا وإيمان السيد وحسن عبدالفتاح وهي بتحب الناس بتوعها ومفيش حاجة غريبة في كده ولنا كيمياء حلوة مع بعض
