رد الفنان أحمد العوضي، على تصريحات الفنان بيومي فؤاد، عندما تحدث على بطولة فيلم «الإسكندراني»، والتي قالها «فؤاد»، تعقيبا على تصريحات العوضي التي أدلى بها خلال حلقته مع رامز جلال بـ«رامز إيلون مصر».
وكشف بيومي لأول مرة أن العوضي كان الترشيح رقم 12 للعمل، أي أن هناك 11 ممثلًا قبل العوضي رفض المشاركة في الفيلم، ولكن العوضي قرر الموافقة.
“احمد ربنا اني شفتك”.. رد ناري من أحمد العوضي على بيومي فؤاد
وقال: «ربنا يهديه، العوضي كان الترشيح رقم 12 في الفيلم، ومش عارف هو ليه قال كدا مع إن الحقيقة أني البطل الأساسي وهو عامل دور ابني ولكن ربنا يهديه مش عارف أقول إيه، بس أنا في كارثة».
من جانبه، رد العوضي قائلا: «هما الـ 11 مش شايفينه فيحمد ربنا إن أنا شوفته بطل على كلامه فالمفروض أبقى راجل كويس ده على كلامه هو».
كما علق على رد بيومي فؤاد عندما قال إنه «في كارثة»، بعد أن قرر العوضي أنه لن يعمل معه مجددًا، قال العوضي: «هو حب يرجع للكوميديا، وقال إيفيه قدام الناس مجاش معاهم، لكن إن شاء الله ربنا يكرمه في اللي جاي».
أما عن سؤاله إذا كان غاضبًا، أجاب العوضي قائلًا: «أنا مش زعلان منه، ده نكش قصاد نكش، هو مينفعش يزعل مني، أنا رديت بكل أريحية، وبضحك، هو المفروض مايزعلش.. أنت لما تيجي تقول كلام، دايمًا اعمل حساب الرد، فلو الرد هيزعل متقولوش، إلا لو أنت مش متوقع الرد، زي دلوقتي».
وخلال حلول أحمد العوضي ضيفًا مع رامز جلال، قال عن بيومي فؤاد أنه لن يتعاون معه مرة أخرى، بسبب تصريحات بيومي أنه البطل الحقيقي لـ«الإسكندراني»، إذ أعرب العوضي عن تعجبه من هذه التصريحات.
اقرأ ايضا:
“في 15 حلقة فقط”.. لن تصدق أجر دنيا سمير غانم في مسلسل “عايشة الدور”
