نشرت مشيرة الحجار نجلة الفنان علي الحجار، تدوينه مثيرة للجدل بشكل كبير عبر حسابها الشخصي عبر موقع التواصل الاجتماعي “فيسبوك”، لتشن هجوم عنيف على الفنان محمد رمضان بسبب مقطع فيديو منتشر للفنان من برنامج “واحد من الناس”.
وكتبت نجلة علي الحجار، عبر “فيسبوك” فقالت : ” البرنامج دة قديم مش جديد، و القصة دي رمضان حكاها كذا مرة في برامج و كل مرة يغير فيها تفصيلة بسيطة، و ابويا عمره ما رد، و كان شايف ان الموضوع مش مستاهل يترد عليه. و انا الصراحة مستغربة جدا هو ازاي بيحكيها بثة قوي كده و جاب الخيال ده منين؟!”.
وتابعت نجلة الحجار فقالت : ” انا قررت دلوقتي اني اقول القصة الحقيقية لأن ابويا يستاهل ده، و ده حق ربنا، و هيشهد على كلامي اخويا لأنه كان له دور رئيسي في المسرحية، غير ان طبعا المسرحية ليها ابطال و مخرج عارفين الحقيقة”.
وأضافت أيضًا خلال تدوينتها: ” الي حصل ان المخرج اختلف مع محمود عزب احد الابطال، خلاف شخصي فقرر يفاجيء الفنانين بانه جاب رمضان يوم واحد. علي الحجار شاف ان عزب مايستحقش كدة بعد تعبه في 6 شهور بروفات و قال لرمضان وقتها انت ملكش علاقة بالموضوع خالص و كان حيادي جدا”.
ونفت مشيرة الحجار بهذه الطريقة ما قاله الفنان محمد رمضان عبر مقطع الفيديو المنتشر، حول قيام الحراس الشخصيين لوالدها بضرب محمد رمضان، مؤكدة أن والدها لا يملك حارس شخصي من الأساس، ولم يكن له في أي وقت سابق أيضًا.
