فن و مشاهير

ملكة جمال السعودية رومي القحطاني تثير الجدل بما فعلته في إيطاليا

جميلة وحلوه وكل السعوديين يعرفوها ومسحورين بجمالها، دائما بتكلموا عنها وكلامهم زاد اليوم بما فعلته في مسابقة ملكة جمال العالم في أيطاليا، حافظت على شرفهم والعادات والتقاليد السعودية، وكان للمايوه والبكينى علاقة بالموضوع ده.

مين هي رومى القحطانى اللى كل السعوديين بيتكلموا عليها على السوشيال ميديا ؟ .. وعملت ايه لكل ده ؟ .. كل ده وأكتر هنعرفه مع بعض في التقرير التالي:

رومى القحطانى .. لو أنت سعودي أو مصري بتتابعنا من السعودية أو من الخليج عموما فا أكيد أكيد هتكون عارفها وعارف معلومات عنها حتى لو قليله، ولو ماكنش ليك سابق معرفة بها، فا الفيديو ده هيقولك مين هي وليه ناس كتير في السعودية بيتكلموا عنها دلوقتى.

رومى هي واحدة من أجل بنات السعودية، فازت قبل كده بلقب ملكة جمال السعودية، ومشهورة في الوسط الشبابي كله، جيل الشباب كله في السعودية يعرفها وبيتابعها عدد كبير منهم على صفحاتها على السوشيال ميديا.

رومى أمبارح علمت حركة خلت الكل يتكلم عنها في السعودية، لما بلغت وبشرت كل السعوديين أنها حافظت على العهد وعلى التقاليد والعادات السعودية وقت ما كانت موجودة في مسابقة ملكة جمال العالم في إيطاليا.
رومى القحطانى وعلى حسب اللى قالته على حسابها على انستجرام فا هي رفضت تلبس المايوه أو البكينى اللى كان مطلوب أنها تلبسه في مسابقة ملكة جمال العالم، وقالت انها علمت كده عشان خاطر أهلها والعادات والتقاليد السعودية، وأكدت أنها عمرها ما هتعمل كده أصلا خالص، على الرغم من أنها أوقات كتير بتلبس لبس مكشوف شويه ومبين أجزاء من جسمها.

وبعيدا عن الجزء ده، فا فيه نقاش حاد دلوقتى على تويتر بيتكلم أنها أصلا مكنش يصح أنها تقدم أو تدخل في مسابقة جمال العالم في أيطاليا، وتعرض نفسها لموقف زى ده، أنه ينطلب منها تلبس المايوه خلال المسابقة، مسابقة ملكة جمال العالم، وفى نفس الوقت ناس قالت أنها حقها عادى تعمل اللى هى عيزاه ومافيش حد ليه رأى عليها، هي تعمل اللى شيفاه صح من وجه نظرها طالما هي واخده بالها من العادات والتقاليد السعودية وملتزمة بيها.

أنتم بقى رأيكم إيه في اللى هي عملته ده، وخصوصا بعد ما شوفتم صورها وأسلوب لبسها اللى بتظهر بيه، هل هي فعلا حقها تشارك في مسابقات جمال عالمية عادى، و لا تلتزم بالظهور بس داخل المملكة العربية السعودية ولو حبت توسع شويه ممكن تشارك في المسابقات العربية فقط، كل واحد يكتب رأيه بصراحة في التعليقات.

وغير كده عايزين نعرف رأيكم كمان في الصورة اللى ظهرت بيها دى وهى لفه العلم السعودي على نفسها ومكتوب عليه زى ما أنتم عارفين ” لا اله الا الله محمد رسول الله” وفى نفس الوقت ظاهر جزء ولو بسيط من جسمها .. اكتبوا رأيكم في التعليقات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى