استورد سيارتك وادفع 30% من جمركها بعد 6 شهور بالدولار وهيرجعولك بعد خمس سنين بالعملة الصعبة. من الاموال بنوك تابعونا لكي تعرفوا طلبات مجلس النواب الجديدة.
بيستعد مجلس النواب خلال الفترة الجاية عشان يتم مناقشة تعديلات جديدة في مشروع قـانون تيسيرات استيراد سيارات للمصريين المقيمين في الخارج.
واتقدم النائب هشام هلال، عضو مجلس النواب، بمشروع قانون جديد لمنح التسييرات والتسهيلات للمصريين المقيمين بالخارج فى استيراد سيارات معفاة من الرسوم والضرائب اكتر ودا من خلال مد مدة إيداع المبلغ النقدى الخاص بالوديعة الدولارية بالقانون لشهرين.
وكان من ضمن التسهيلات الي طالب بيها النائب..انه يتم تخفيض قيمة الوديعة المطلوبة بقيمة 70% والي بتكون بدون عائد لمدة خمس سنين. وان المصري بالخارج يدفع 30% من قيمة الجمركية للعربية و 100% من القيمة المضافة ودا بحساب وزارة المالية وقبل انتهاء مدة المبادرة الي اتمدت مؤخرا لغاية 13 مايو الجاي.
وكمان انه يتم استرداد قيمة الوديعة بنفس العملة الي دفعت بيها الي هوا الدولار.دا من باب التسهيل علي المقيم بالخارج ..
وكمان طالب هلال انه يتم مدة فترة تسجيل العربية لمدة 6 شهور كاملة.
والموافقة الاستيرادية الي المصري ياخدها مدتها 5 سنين،والي يقدر بيها المصري خلال مدة الخمس سنين انه يستورد العربية لاستخدامة الشخصي لكن ميكونش عدي عليها 3 سنين من سنة إنتاجها عند الإفراج الجمركي.
وكمان طالب انه يتم زيادة عدد المستفيدين من المصريين المقييمين بالخارج والي بيوصل عددهم لـ14 مليون مصرى. لكن المبادرة بتشطرت لغاية دلوقتي ايداع وديعة دولارية بقيمة 100% من قيمة الجمارك والضرائب. والوديعة دي وهتستردها بعد المدة المحددة بالقيمة المحلية ..يعني تدفع دولار وتاخدهم بالجنية المصري بعد خمس سنين.
المستشار اسامة ابو المجد رئيس رابطة تجار السيارات صرح في مداخلة هاتفية ان التسهيلات المقدمة للمصريين الي في الخارج مش هتتكرر تاني ونصح المقييمين بالخارج انهم يستافدوا منها.. و اشاد بتحركات مجلس النواب عشان مناقشات تعديلات قانون المبادرة.
وابو المجد وضح انه مع التسهيلات قريبة التنفيذ في المبادرة هتساعد علي نجاح المبادرة الي بدورها هتضخ عملة صعبة للدولة .. وتوقع ضخ من 5 لـ 7 مليارات دولار من اوامر دفع الخارجة من المبادرة.
والحكومة في أكتوبر 2022 طرحت المبادرة عشان تزود الجذب للعملة الاجنبية الصعبة.. وكمان تخفف الطلب علي سوق السيارات في مصر ومن خلال المبادرة يبقي في انخفاض في اسعار السيارات سواء مستعمل او جديد.
ودا الي اكدة المستشار اسامة ان اثر عربيات المغتربيين هيبان علي السوق المصري خلال الفترة الجاية و الي بدورها هتخفض الاسعار بشكل عام.
وكان كمان وضح ان الازمة الي بيمر بيها قطاع السيارات عالمية.. ومش مقتصرة علي السوق المصري .. واكد ان أزمة الحر الروسية الاوكرانية اثرت علي 165 دولة في العالم .. واثرت بشكل اخص علي 26 دولة من دول الاتحاد الاوروبي المعنية بسلاسل امداد تصنيع السيارات.
نتمني طلبات مجلس النواب يتم الموافقة عليها عشان المبادرة تحقق المطلوب منها سواء للمستهلك المصري او الدولة في ضخ العملة الاجنبية . متنسوش تتابعونا علي منصات الاموال عشان يوصلكوا كل جديد.
