كثير من الناس بفضلوا التعامل عن طريق بطاقات الائتمان بدلا من كالاش بسبب اتجاه الكثير للأونلاين لكن البنك المركزي قرر وقف استخدام بطاقات مسبقة الدفع.
لكن السؤال هنا: ليه وقف البطاقة؟ وياترا اتوقفت جوه مصر ولا برا مصر؟ وإيه حكاية الرسوم اللي على بطاقات الائتمان؟ والرسوم دي كام؟
خلال السنين الأخيرة كتير من الناس بدأوا يتجهوا للأونلاين في عمليات الشرا وكمان بدأوا في استخدام بطاقات الائتمان بشكل أكبر في الوقت الحالي بدل من الكاش
ده كمان الدولة بدأت تتجه للتحول الرقمي في معظم تعاملاتها لكن البنك المركزي أصدر تعليمات خلال الساعات الأخيرة بوقف استخدام البطاقات مسبقة الدفع في التعاملات الدولية، وده سواء للسحب النقدي أو الشرا أونلاين بأي عملة أجنبية سواء من داخل أو خارج مصر.
بس الحكاية بدأت إزاي؟
تداول بعض نشطاء مواقع التواصل الإجتماعي في الساعات الأخيرة منشور بتوقف استخدام بطاقات مسبقة الدفع بأي عملة أجنبية غير الجنيه المصري وده خارج مصر أو أونلاين.
وبحسب تصريحات اتنين من رؤوساء البنوك لموقع مصراوي، في تعليمات من البنك المركزي صدرت خلال الشهر الجاري بوقف التعاملات الدولية باستخدام بطاقات مسبقة الدفع بالعملة الأجنبية.
لكن بطاقات الدبت أو الخصم المباشر المرتبطة بحساب العميل والائتمان ممكن يتم استخدامها عادي خارج مصر في الدفع الإلكتروني.
سبب القرار
بحسب تصريحات رئيس واحد من البنوك لمصراوي، إن سبب وقف كروت مسبقة الدفع في التعاملات الدولية بيرجع لعدم ارتباطها بحسابات مصرفية معلومة
وده ممكن يسبب تلاعب أو سوء استخدام من بعض العملا في التعاملات خارج مصر بالعملة الأجنبية، وخصوصا انه ممكن إصدارها من البنوم بصورة الرقم القومي بس، ومن غير مايحتاج العميل لفتح حساب مصرفي، أو تقديم شهادة إثبات دخل.
وعلى فكرة شركة فيزا وماستر كارد دول المسئولين عن تشغيل كل الكروت بره مصر بما فيها مسبقة الدفع، لكن بطاقة ميزة المدفوعة مقدما اللي بتصدرها الشبكة القومية للمدفوعات فدي مفيهاش أي مشاكل وده لأنها بتقتصر على التعاملات المحلية بس وغير مفعلة في الخارج.
و بحسب مصراوي أزمة النقد الأجنبي اللي في مصر حاليا هي اللي خلت البنوك تخفض حدود تعاملاتها الدولية باستخدام البطاقات المصرفية سواء الكريديت كارد والخصم المباشر و المدفوعة مقدما، وده سواء للسحب الكاش أو الشراء الإلكتروني من خارج مصر بأي عملة أجنبية.
ده كمان البنوك قررت خلال الفترة الأخيرة رفع نسبة العمولة المقررة على السحب النقدي خارج مصر من ماكينات الصرف الآلي بنسبة 13% من إجمالي قيمة المعاملة.
واللي بتمثل 10% كعمولة تغيير عملة و 3% عمولة استخدام ماكينة خارجية ده غير الرسوم الإضافية اللي بتكون على كل سحبة.
قيمة الرسوم
بحسب المصري اليوم رسوم السحب من ماكينات الصرف الآلي باستخدام بطاقة الخصم المباشر فقيمتها في البنوك 5 جنيه، أما رسوم السحب على كارت المشتريات أوالكريدت كارد تبدأ من 10 جنيه وبتوصل لـ 50 جنيه وده حسب كل بنك
ودلوقتي قولنا إيه رأيك في قرار البنك المركزي؟
