إن معك فلوس وقلقان من شهادات الـ25% ومن ارتفاع سعر الدولار، وتريد أن تشتري ذهب يبقى لابد أن تعرف ماذا تشتري لكي تحافظ على قيمك ما تملك من أموال وحتى لا تخسر مع مرور اليام، ذلك فإننا من خلال هذا التقرير سنوضح أفضل طريقة لاستثمار أموالك وحفظ قيمتها.
لو فكرت تشتري حاجة دهب الأيام دي لازم يكون عندك وعيي وتعرف تشتري إيه عشان متخسرش بعدين في المصنعية لما تيجي تبيع، خاصة لو انت حابب تحوش فلوسك وتستثمرها ، وعشان كده تجار الدهب نصحوا الناس إنهم الفترة دي يشتروا جنيهات دهب وده لأن مصنعيتها قليلة وبتكسب كويس وقت البيع.
ولوبتفكر تشتري جنيه دهب قريب..فـ تجار الدهب أكدوا إن مصنعية الجنية مش بتختلف في البيع والشرا عن المشغولات التانية، وعشان كدوة بينصحوا المواطنين اللي حابين يشتروا جنيه دهب، إنهم يشتروا الجنيه المغلف وده لأنه أفضل عند البيع ومش بيخسر قيمتة.
كمان خد بالك لازم يكون الجنيه الدهب مغلف ومكتوب عليه اسم المصنع، وطبعا في الحالة دي بتزيد سعر ضريبة الدمغة، والقيمة المضافة والمصنعية ولكن في البيع انت الكسبان، لكن لو اشتريت الجنيه اللي مش مغلف فهتكون مصنعيته أقل لكن هتخسر لما تحب تبيع.
طب ليه لازم ندفع مصنعية أصلاً؟
هقولك ياسيدي شعبة الدهب قالوا إن مصنعية الذهب في السوق المحلي بتختلف باختلاف المشغولات الذهبية من ورشة لـ التانيه وكمان بتختلف على حسب نوع وعيار الدهب.
وطبعًا مش محتاجة أقولك إن الدهب سلعة عالمية وحساسة جدًا، وده لأنها بتتأثر بكل الأحداث العالمية زي أحداث الحرب والسلم وحالة الاقتصاد العالمي.
والأكيد إن أسعار الدهب بتختلف من محل للتاني، وعشان كدة بننصح الموطنين اللي حابين يستثمروا فلوسهم مع حالة ارتفاع اسعار الدهب الفترة دي خاصة بعد صعود الدولار أمام الجنيه، إنهم يستثمرو فلوسهم في الذهب، وده لأن المعدن الأصفر بيعتبر استثمارا طويل الأمد وبيحافظ على فلوسك من خطر التضخم .
ولو بتسأل عن أسعار الدهب الفترة الجاية فشعبه الدهب قالت إنها متقدرش تتوقع أسعار الدهب في الفترة الجاية، وده لأن الدولار مش مستقر والدهب بيتسقر سعره مع استقرار سعر الدولار.
امتى اشتري الذهب؟ إيه أفضل وقت عموما لشرا الدهب؟ طيب الإجابة إنك في أي وقت وأي زمن تقدر تشتري الدهب وقت ما تتوفر معاك فلوس
لكن شعبة الدهب أكدت إن ده أفضل وقت لشراء الدهب خاصة وإن سعره بدأ يستقر الفترة اللي فاتت وده لأن الإقبال على الشراء قل وعشان كدة بدأت أسعار الدهب تستقر بشكل نسبي.
قولنا لو معاك فلوس هتختار تشتري بيها دهب ؟
