الحكومة اعلنت خبر سار لتطمئن به كافة المصريين والذين يعانوا من ارتفاع الاسعار ويخافون من ارتفاعات جديدة في شهر رمضان، فمذا قالت الحكومة ليطمئن المصريين تابعونا من خلال هذا التقرير لمعرفة التفاصيل:
شهر رمضان قرب وفي الوقت ده بيبدأ المصريين يحسوا بشوية قلقق ويسألوا يارى الأسعار هتقل ولا هتزيد وممكن نلاقي سلع ناقصة الفترة الجاية وياترى استقرار الأسواق هيحصل امتي وغير من أسئلة كتيرة بشتغل بالهم
بس رئيس الوزاراء الدكتور مصطفى مدبولي طلع النهاردة وقال تصريحات مهمة جدا عن مصير الأسعار الفترة الجاية خلال اجتماع الحكومة الأسبوعي مع الوزراء.
وقال إن الحكومة نجحت في الإفراج عن كافة البضائع ومستلزمات الإنتاج في الموانئ، وإننا هنوصل لمعدلاتنا المستقرة اللي كانت موجودة قبل الأزمة الأخيرة.
مش بس كده ده كمان أكد الدكتور مصطفى مدبولي إن خطوة الإفراج عن السلع دي هتساهم بشكل إيجابي إنها تحقق استقرار في أسعار السلع بـ الأسواق.
ده كمان وجهه الوزرا بمتابعة إجراءات ضبط الأسواق وإنهم يسنقوا بشكل مستمر مع الغرف التجارية ومع الأجهزة الرقابية، وقال إن كل الخطوات دي هتساهم الفترة الجاية فى توفير السلع بالأسواق بأسعار مناسبة للمواطنين.
طيب الكلام ده معناه إننا فعلا ممكن نشوف الأسعار بتنزل الفترة الجاية؟أيوة الأسعار هتنزل أكيد وده مش كلامنا ده كلام الدكتور مصطفى مدبولي اللي أكده بردو من كام يوم في جولته الأخيرة بمدينة حدائق العاصمة.
وقال فيها إننا خلاص خرجنا من أزمة تراكم البضائع في الموانئ وجميع المصانع عادت للتشغيل بكامل طاقتها. ده مش بس كده ده كمان أكد إن المصانع عندها دلوقتي مواد خام تكفي شهرين قدام، وأكد أنه هيتم تخفيض الأسعار في الفترة المقبلة.
طيب الحكومة هتقدر فعلا تسيطر على جشع التجار؟
طبعا وده لأنها بقالها فترة بتنزل حملات بالتنسيق مع الجهات الرقابية بالتنسيق في كل محافاظات مصر، والحملات دي على فكرة بتكون بشكل متكرر على كل الاسواق المختلفة، ومن ضمنها طبعا معارض رمضان المنتشرة في كل المدن والمحافظات وده طبعا عشان تقدر الحكومة تتابع الأسعار وتوافر السلع الغذائية بأسعار مناسبة للمواطنين.
واللي لازم تعرفوه إن التكليفات في الأصل من الرئيس عبد الفتاح السيسي، وده لأنه بيتابع بنفسه مخزون السلع الغذائية الأساسية على مستوى الجمهورية، وبيعرف عندنا رصيد قد إيه منها ويكفي كام شهر كمان بيتابع مواسم الزراعات والمحاصيل.
وكل اللي بيحصل ده على فكرة هدفه الحفاظ على استقرار موقف الأمن الغذائي للدولة، وده معناه إننا يكون عندنا احتياطي طول الوقت يكفي المواسم المختلفة ويلبي احتياجات المواطنين بالكميات الملائمة.
ولو لسه حاسس بقلق من ارتفاع الأسعار الفترة اللي الجاية أحب أطمنك إنه ده مش هيحصل وده لأن الدكتور علي المصيلحي، وزير التموين قال في تصريحات ليه إن الصدد المخزون الاستراتيجي لـ القمح والسكر والذرة والزيت والأرز، يكفي الاحتياطي بتاعنا لمدة من 4 إلى 6 شهور، ده غير إن مخزون اللحوم الطازجة والدواجن يكفي لمدة سنة كاملة.
ها لسه في حد ممكن يقلق بعد الكلام ده على الاسعار الفترة الجاية؟
