بعد ارتفاع الأسعار اتى نواجهها ياترى مرتبك يكفيك أم لا؟، أكيد كلنا لدينا عجز في الميزانية بدأ يظهر بعد أزمة الدولار والتي ساعدت إن الغلاء يكون في كل حاجة تقريبًا.
لكن الحكومة هتعوضكم شوية عن اللي حصل في 2022، وهتبدأ معاكم 2023 بزيادة يناير اللي هتطبق على كل الموظفين سواء القطاع الخاص أو الحكومي، طب إيه هي تفاصيل الزيادة دي وياترى هنقبض كام؟ ده اللي هنعرفه في التقرير التالي:
أيام قليلة بتفصلنا عن معاد صرف مرتبات شهر يناير للموظفين في القطاع العام والخاص، واللي المفروض تبدأ من يوم الأثنين اللي جاي الموافق 22 يناير وتستمر لمدة 4 أيام وده حسب كلام وزارة المالية.
والمفروض صرف مرتبات شهر يناير يطبق عليه زيادة الحد الادنى للأجور للقطاع الخاص والي هتوصل لـ 2700 جنيه بعدما كان السنة اللي فاتت 2400 جنيه بس
وبتتصرف مرتبات شهر يناير ، لعدد 33 وزارة وهيئة ومصلحة، يوم الثلاثاء والأربعاء والخميس والأحد من شهر يناير بداية من يوم 23 و24 و25 ولحد 29 يناير.
طيب ياترى الزيادة الجديدة هتكون قد إيه بظبط؟ هقولك ياسيدي، بعد تطبيق قانون رفع الحد الأدنى للأجور في نوفمبر اللي فات، واللي كان ضمن قرارات حزمة الحماية الاجتماعية اللي وجه الرئيس عبدالفتاح السيسي بتطبيقها في الجلسة الختامية لـ المؤتمر الاقتصادي 2022، هتكون الزيادة بتتضمن إضافة 300 جنيه قيمة علاوة غلاء معيشة استثنائية على كل المرتبات بالقطاع الخاص والعام.
ولو انت شغال في القطاع العام وحابب تحسب زيادة مرتبات شهر يناير 2023، هنقولك عليها حسب كل درجة:
-فمثلا هيكون مرتب شهر يناير لـ موظفي الدرجة الممتازة 9000 جنيه شهري.
– أما بقى مرتب شهر يناير لـ موظفي الدرجة العالية هيكون 6600 جنيه شهري.
– ومرتب شهر يناير لـ موظفين الدرجة مدير عام هيكون 5400 جنيه شهري.
– أما مرتب شهر يناير لـ موظفي الدرجة الأولى هيكون 4800 جنيه.
– و مرتب شهر يناير لـ موظفي الدرجة الثانية هيوصل 4200 جنيه.
– أما بقى مرتب شهر يناير لـ موظفي الدرجة الثالثة فهيكون 3720 جنيها.
– و مرتب شهر يناير لـ موظفي الدرجة الرابعة هيوصل 3480 جنيها.
– وهيكون مرتب شهر يناير لـ موظفي الدرجة الخامسة 3240 جنيها.
– أما بقى مرتب شهر يناير لـ موظفي الدرجة السادسة هيكون 3000 جنيه
وطبعا وزارة المالية أكدت في بيان ليها إنها حريصة على إيداع المبالغ المالية في الحسابات البنكية للموظفين والعاملين في القطاع العا بشكل مبكر وده عشان يقدروا يسحبوها بدون أي مشاكل على الإطلاق، وطالبت الجميع بالالتزام الكامل وعدم التزاجم على ماكينات الصراف الآلي خلال أيام الصرف، وتطبيق السياسات والإجراءات الوقائية بهدف منع انتشار الأمراض والفيروسات بين المواطنين بسبب التزاحم.
دلوقتي قولولنا رأيكم سواء كنتم شغالين في الحكومة أو القطاع الخاص شايفين الزيادة دي كفاية؟
