الناس قلقانه! يا ترى متى سيتم تنفيذ التعويم الرابع للجنيه؟ وياترى الحكومة ماذا تخفي لنا ؟وكالة عالمية كشفت الميعاد الحقيقي لتعويم الجنيه.. والدولار بـ 37 جنيه في المعاد ده!
تقرير جديد لشركة سيتي جروب، ودي واحدة من المؤسسات الأمريكية اتكلمت عن قرار الحكومة لتعويم الجنيه، كشفت فيه أن المعاد الحقيقي لخفض الجنيه مقابل الدولار مش هيكون قبل شهر سبتمبر الجاي على الأقل، وسبق وتوقعت سيتي جروب من فترة قريبة بأن القرار الخاص بالتعويم مش هيحصل قبل نهاية شهر يونيو الجاري.
سبب توقعات تأجيل قرار التعويم ؟
هقولك يا سيدي حسب تقرير شركة سيتي جروب واللي نقلتها وكالة بلومبرج فـ الشركة بنت توقعاتها بناءًا على حاجتين لازم الحكومة تعملها الأول .
أولهم تنفيذ مبيعات الأصول الحكومية، وده عشان تساعد في تخفيف الضغوط الموجودة على الاقتصاد المصري، وزي ما انتوا عارفين الحكومة بتسعى إنها تسرع برنامج الطروحات واللي كانت أعلنت عنه في شهر فبراير اللي فات.
وتاني حاجة اتكلم فيها تقرير سيتي جروب هي زيادة إيرادات السياحة المصرية، وكل ده طبعا عشان تدعم حصيلة النقد الأجنبي.
والمفترض إنه هيتم فيه بيع 32 شركة لصالح القطاع الخاص وده بهدف جذب موارد دولارية وكمان سد الفجوة التمويلية من النقد الأجنبي.
وحسب تصريحات الدكتور مصطفى مدبولي رئيس الوزراء في ابريل اللي فات قال إن الحكومة بتستهدف جمع 2 مليار دولار من برنامج الطروحات الحكومية قبل نهاية شهر يونيو الجاري وده البرنامج اللي اتفقت الحكومة المصرية مع صندوق النقد الدولي إنها تطبقه.
وفي شهر مايو اللي فات الحكومة بدأت تدخل في الجد وأعلنت عن بيع حصل في شركة بكين وكمان حصة من شركة المصرية للاتصالات
مش بس كده دي كمان أعلنت الهيئة العامة للمنطقة الاقتصادية لقناة السويس عن طرح 20% من شركة بورسعيد لتداول الحاويات في البورصة.
وببساطة كده شركة سيتي جروب بنت توقعاتها اللي تنبأت بيها مرتين بتأجيل قرار التعويم على أهداف الحكومة اللي بتستهدفها الفترة الجاية وده لأنها كانت شايفة إن قرار التعويم ممكن يعرقل تنفيذ الأهداف دي وأهمها تثبيت نسبة الدين من الناتج المحلي.
والمفترض إن مصر تعهدت باتفاق مع صندوق النقد الدولي واللي بيتضمن تنفيذ إصلاحات اقتصادية أهمها اتباع سعر صرف مرن للجنيه مقابل الدولار، وكمان سرعة تخارج الدولة من الأصول المملوكة ليها لصالح القطاع الخاص، وتقليص دعم الوقود.
طيب بما إن الشركة دي توقعت التعويم في ديسمبر الجاي، فـ ياترى إيه مصير الدولار؟هقولك شركة سيتي جروب توقعت ارتفاع سعر الدولار لـ 36 جنيه في نهاية 2023، عشان يوصل لـ37 جنيه في 2024.
وحسب وكالة بلومبرج فـ كان بنك سوسيتيه جنرال توقع وصول سعر الدولار إلى 37 جنيه نهاية السنة ، وده تقريبا نفس مستواه دلوقتي في السوق السوداء.
أما بقى وكالة ستاندرد اند بورز، “Standard & Poor’s” فكانت متشائمة شوية لأنها توقعت وصول سعر الدولار إلى 40 جنيه في نهاية يونيو، على عكس سيتي جروب.
وخليني أقولك إن تعويم الجنيه واتباع الحكومة لسعر صرف مرن للجنيه على مدار 14 شهر فاتوا وتحديدًا من يوم 20 مارس 2022 اتسبب في ارتفاع سعر الدولار بحوالي 96% .
عشان يرتفع معاه سعر الدولار من 15.76 جنيه من مارس 2022 واللي وصل دلوقتي لـ30.95 جنيه .ودلوقتي بقى شاركنا انت كمان بتوقعاتك عن سعر الدولار وميعاد تنفيذ التعويم الرابع الفترة الجاية.
