البنك المركزي في اجتماعه الأخير أخذ قرار بتثبيت الفائدة وهذا طمئن ناس كثيرةوهذا جعلهم يتسائلون عن أفضل بنوك بتقدم قروض شخصية في السوق.
فلو بتفكر تاخد قرض تفك بيه زنقتك أو تحقق بيه أحلامك سواء تشتري بيت أو عربية أو حتى تسافر بيه تلف العالم خليك معانا في الفيديو ده وانا نقولك إيه هي البنوك اللي بتقدم أفضل قروض شخصية :
معروف إن نسبة الفايدة اللي بتنزل على القروض الشخصية بتختلف من بنك للتانيه ودي حسب سياسة كل بنك واللي بتحددها حسب تكلفة الفايدة على المدخرات اللي عنده زي الشهادات والودائع وحسابات التوفير وكمان تحركات البنوك المنافسة.
وطبعا بمجرد ما البنك المركزي بيعلن عن زيادة في أسعار الفايدة بتبدأ البنوك إنها تحرك سعر الفايدة، لكن المرة دي البنك المركزي أعلن في اجتماعه الأخير تثبيت سعر الفايدة
عشان يوصل سعر عائد الإيداع والإقراض لليلة واحدة وسعر العملية الرئيسية للبنك المركزي عند 18.25%، و19.25% و18.75% على الترتيب، كمان ثبت سعر الائتمان والخصم عند 18.75%،
ولو بتدور على قرض شخصي وعايز تختار أفضل قرض في السوق، فعندك في المقدمة القرض الشخصي من البنك الأهلي واللي بيقدمه للعاملين بالهيئات الحكومية وهيئات القطاع العام والأعمال العام، والعاملين بشركات قطاع البترول والغاز والبتروكيماويات ضمن الهيئة العامة للبترول، والعاملين بالهيئات الحكومية وهيئات القطاع العام والأعمال العام.
فـ في البداية ممكن تاخد يصل مبلغ 200 ألف جنيه مصري وتسددهم لمدة 4 سنين، كمان ممكن تاخد قرض شخصي بقيمة 500 ألف جنيه بفترة سداد توصل لـ 4 سنين.
والقرض الشخصي ده ممكن يوصل لـ 750 ألف جنيه بدون ضمان تحويل المرتب للبنك بس بيكون بشروط محدده، وهي إنه بيتم سداد المبلغ على مدة 5 سنين وبيكون خاص بالعاملين بقطاعات البترول فقط.
عندك كمان القرض الشخصي من بنك مصر، وسعر الفائدة: فيه بيتراوح ما بين 21.25% لـ 24% سنويا على أساس متناقص وده بيتحدد حسب نوع وظيفة العميل سواء كانت (حكومي أو خاص).
وهنا قيمة القرض الشخصي: بتوصل لـ 3 ملايين جنيه كحد أقصى.والمصاريف الإدارية بتكون 3% تخصم مرة واحدة من إجمالي قيمة القرض.عدد سنوات سداد القرض بتوصل لـ 12 سنة.
أما بنك الإسكندرية فسعر الفائدة على القرض الشخصي فيه بيتراوح بين 20% إلى 27% سنويا على أساس متناقص
وبتوصل قيمة القرض الشخصي لـ 3 ملايين جنيه.
اما المصاريف الإدارية فممكن تاخد إعفاء منها في حال تحويل الراتب على البنك، أما في حال عدم التحويل الراتب فبتوصل لـ 250 جنيه بحد أدنى و30 ألف جنيه بحد أقصى.عدد سنوات سداد القرض: بتترواح من سنة لـ 12 سنة.
وعندك كمان بنك القاهرة، وده سعر سعر الفائدة فيه بيتراوح بين 19% إلى 24.5% سنويا على أساس متناقص حسب نوع وظيفة العميل حكومي أو خاص.
وبتوصل قيمة القرض الشخصي لـ 1.5 مليون جنيه كحد أقصى لقيمة القرض.أما المصاريف الإدارية فبتكون 2.5% من إجمالي قيمة القرض تخصم مرة واحدة.وبيتسدد من 6 شهور لـ 5 سنوات.
أما البنك التجاري الدولي CIB ، فسعر الفائدة على القرض الشخصي فيه بيتراوح بين 16% لـ 23.5% سنويا على أساس متناقص حسب نوع وظيفة العميل سواء (حكومي أو خاص)، وقيمة القرض الشخصي: تصل إلى 3 ملايين جنيه.
أما المصاريف الإدارية فبتكون من 1.75% لـ 2% تخصم مرة واحدة من إجمالي قيمة القرض بحسب نوع ضمانة القرض، يعني بضمان تحويل الراتب على البنك أو بدون تحويل للراتب.وتقدر تسدد من سنة لـ 8 سنين كحد أقصى.
دلوقتي قولنا لو عايز تاخد قرض هتختار أنهي بنك في دول؟
