ما كنا نخشاه حدث وارتفع سعر البنزين وإن كنت تفكر في شراء سيارة فإن أول ما يجب التفكير فيه هو استهلاك السيارة للبنزين،لذلك تابعونا من خلال التقرير سوف نوضح أفضل 5 عربيات مستعملة أقل من 100 ألف جنيه في مصر!
فيات أونو
عربية هاتشباك جميلة جدا و صغيرة .. العربية بتيجي بموتور 1000 سي سي و بطلع 45 حصان.. العربية اعتمادية جدا و اكتر عربية موفرة في البنزين و مناسبة لعيلة صغيرة او للبنات و سعرها بيبدا من 40 الف لغاية 55 تو 60 الف جنية
فيات بونتو
بداية عندك من موديل 94 لغاية 2003 .. العربية بتيجي بموتور 1300 سي سي بيطلع تقريبا 65 حصان .. العربية موفرة للبنزين و شكلها حلو و صالون مساحتها الداخلية معقولة على عربية هاتشباك .. سعرها بداية من 50 الف حتى 70 الف .. في موديلات أعلى من بداية 2008 حتى 2017 بس اسعارها اعلى من 100 ألف جنيه
نفس العلامة الايطالية : فيات سيينا
فيات سيينا عربية كويسة جدا وشكلها حلو وواسعة وشنطتها معقولة جدا .. بتيجي بموتور 1400 سي سي و بتطلع 80 حصان
قطع غيارها مغرقة السوق زي ما بنقول والعربية موفرة جدا في البنزين واعتمادية وعائليةو سعرها في السوق بيلعب من 50 ألف ل 75 الف جنيه..
الكورية .. دايو لانوس
العربية محركها سعته 1500 سي سي و بتطلع 86 حصان .. لانوس موفرة جدا في البنزين واعطالها قليلة واسعار قطع الغيار فيها كويسة ومتوفرة بشكل كبير في السوق وعربية عائلية وتنفع للشباب برضو بيعملوا عليها تعديلات كويسة…
العربية سعرها في السوق من 80 الف لغاية 100 الف حسب حالة العربية و موديلها وممكن تلاقي اقل انت و شطارتك
دايو نوبيرا 2
العربية واسعة من الداخل و ب تتميز بموتور قوي 1600 سي سي و فتيس مانوال 5 سرعات او اوتوماتيك 4 سرعات .. الشكل الخارجي لسيارة مميز وشيك .. قطاع الغيار موجودة و اسعارها مقبولة متوفر بها تكييف .. العربية بتبدا من 90 الف جنية و تزيد حسب الحالة و الموديل..
في النهاية للاسف عشان الزيادة علي البنزين كنا كلنا متوقعينها مع زيادات أسعار الدولار وأسعار المواد البترولية بشكل عام فالعالم بسبب الحروب والظروف الاقتصادية العالمية و بالاخص الوضع الاقتصادي المصري الفترة دي.. فنتمني خلال الاجتماع الجاي للجنة التسعير تكون الظروف اتحسنت و البنزين يرخص تاني.. ومتنسوش تابعونا علي منصات الاموال عشان يوصلكم كل جديد في مصر.
