كله إلكتروني، ومن على موبايلك وانت في بيتك، بدوون أي تعب، انتظر ماعدا بطاقة التموين، هذه الخدمة الوحيدة التي لا يمكنك عملها بشكل إلكتروني، ولابد من زيارة مكتب التموين من أجل إضافة المواليد أو الاستفادة من يادة الدعم وغيره.
من اول ما الحكومة اطلقت منصة مصر الرقمية، اللي تقدر منها تنجز أي اوراق، او تقدم في أي خدمة رسمية، عن طريقها من غير ما تقف في مصالح حكومية أو تنزل من البيت
والناس افتكرت إن خلاص كدا كله هيبقى الكتروني، ولما خبر إضافة المواليد على بطاقة التموين نزل، فعلا ناس كتير اتسرعت وراحعت تدور ازاي تقدم في خطوات سريعة من على منصة مصر الرقمية، وموقع دعم مصر، او من موقع وزارة التموين
لكن الوزارة نزلت إعلان رسمي، ونفت فيه اي تقديم من النت، وان أي حد يقولك متتعبش نفسك وقدم من الموقع، ده بيضحك عليك، وهيضيع عليك الفرصة
وان التقديم على اضافة المواليد على بطاقة التموين هيبقى بنفسك عن طريق مكاتب التموين التابع ليها، او المراكز
ومتقلقش إن حد يرفض طلبك، لان الوزارة اكدت على مكاتب التموين انهم يستقبلوا اي طلبات من المواطنين، طلاما بينطبق عليهم الشروط، ومن الفئات اللي متوفرلهم الخدمة
اللي هما معاهم كارت الخدمات المتكاملة، واللي بياخدوا معاش تكافل وكرامة، ومعاش التضامن الاجتماعي.
وكمان متوفرة لابناء الشهداء وزوجته، وابناء الاسر البديلة
لكن بشرط إن الابناء اللي عايز تضيفهم على البطاقة ميقلش سنهم عن 4 سنين، وان عدد الافراد على البطاقة ميزيدش عن 4 افراد
ووزارة التموين كمان أكدت انها هتنزل 50 جنيه دعم سلعي ونقدي، للاسر الأكثر احتياجا، اللي هما الـ 4 فئات اللي قولنا عليهم في الاول، ومعاهم كمان ابناء العمالة الغير منتظمة، وأصحاب العجز الجزئي أو الكلي
وكمان مواليد الافراد اللي بياخدوا معاش أقل من 2500 جنيه، أو اللي بياخدوا دخل شهري أقل من 3 الاف جنيه، وكمان ابناء المرأة المعيلة والارملة..
وعشان تقدم، هتروح بنفسك لمكتب التموين، ومعاك اللي يثبت إنك من الفئات المستحقة لاضافة المواليد
بمعنى اللي يثبت مثلا انك بتاخد معاش تكافل وكرامة او انك ارملة، وفي حالة إنك من ذوي الهمم بتقدم كارت الخدمات المتكاملة، وطبعا بتروح ومعاك بطاقتك، وبطاقة التموين، والرقم القومي لابنك اللي عايز تضيفه على البطاقة.
ووقتها المكتب هيستلم منك الطلب، وهيسلم الطلبات كل اسبوع للمديرية، وبعد مراجعتهم للبيانات، بيستنوا موافقة الوزارة على طلبك.
والوزارة بتحاول تسهل تنفيذ القرار، بعد ما المواطنين كانوا بيروحوا كتير الايام اللي فاتت، مكتب خدمة المواطنين بديوان عام الوزارة.
عشان يسألوا ازاي يضيفوا اولادهم على البطاقة، خصوصًا انهم من الفئة الاكثر احتياجًا، لكن خلاص مفيش لف تاني، وهي مشوار واحد بس لمكتب التموين وسيب الباقي عليهم
