لا يوجد شئ بدون أموال بعد اليوم ومن الشهر القادم ستوقف الدعم الاستثنائي على البطاقات التموينية..هذا لأن الحكومة ستقوم بوقف الدعم بادية من شهر مارس القادم..ما حقيقة هذا الأمر ؟ تابعونا من خلال التقرير التالي لمعرفة التفاصيل:
بيقولك الدعم الاستثنائي اللي بينزل على بطاقات التموين هيقف خلاص والدولة مش هتدي للمصريين دعم تاني!.. هو مين اللي بيقول مش عارفين اهو كلام وبيتقال وبنردده
تفتكروا الكلام ده بقى حقيقي؟ الكلام ده انتشر على مواقع السوشيال ميديا الفترة دي والناس بقت تنقله وتصدقة، لكن اطمن يا سيدي وده الحكومة نفت الاشاعات دي وقالت إن الكلام المتداول على مواقع التواصل الاجتماعي مش حقيقي وإن مفيش وقف للدعم الاستثنائي اللي بتقدمه للمواطنين على بطاقات التموين.ده كمان نفى المركز الاعلامي لمجلس الوزراء كل الكلام المنتشر ده وقال إنه الحكومة.
وأكد كمان على استمرار صرف الدعم الاستثنائي على البطاقات التموينية للأسر الأولى بالرعاية لحد 30 يونيو 2023، وده بقيمة 100 جنيه للبطاقة التموينية واللي بتضم أسرة واحدة، و200 للبطاقة التموينية اللي بتشمل أسرتين أو ثلاث أسر، و300 لأكثر من 3 أسر.
مش بس كده ده المركز أعلن إن التكلفة الإجمالية للدعم الاستثنائي اللي أعلنته الدولة قيمته ٨,٥ مليار جنيه.
ده كمان أكد إنه هيتم صرف الدعم الاستثنائي على البطاقات التموينية من كل المنافذ التموينية والمجمعات الاستهلاكية وفروع مشروع جمعيتي والشركات التابعة لوزارة التموين المنتشرة على مستوى محافظات الجمهورية.
ياجماعه مينفعش نصدق الاشاعات والاكاذيت اللي بتتكب على مواقع التواصل الاجتماعي ودي نصيحة المركز الاعلامي لمجلس الوزارة للمصريين وإنهم يوصلوا للمعلومة من مصادرها الرسمية.
ولو انت مش عارف فـ الرئيس عبد الفتاح السيسي أعلن عن زيادة استثنائية على بطاقات التموين ضمن حزمة قرارات حماية اجتماعية أخدتها الدولة عشان تخفف من آثار الأزمة الروسية الأوكرانية على المواطنين.
والدعم الاستثنائي ده كان عبارة عن 100 جنيه أو 200 جنيه أو 300 جنيه والحكومة ضافت الفلوس دي لملايين البطاقات مع صرف سلع التموين وده من تاريخ شهر سبتمبر 2022
وبدأ المواطنون المستحقين لـ الدعم الاستثنائي أو “زيادة التموين” على بطاقات التموين في صرف المحددة كمبلغ إضافي من الدولة لمدة 6 شهور وده من خلال المنافذ التموينية اللي عددها وصل 40 ألف منفذ على مستوى محافظات الجمهورية.
واستهدفت الدولة بناء على توجيهات الرئيس عبد الفتاح السيسي ، صرف الدعم الاستثنائي للفئات مستحقة منها الأسر الأولى بالرعاية ، والعمالة غير المنتظمة وأصحاب معاش تكافل وكرامة وأصحاب الأمراض المزمنة والأرامل والمطلقات بلا عمل أو عائل أو معاش، اما لو انت مش ضمن الفئات دي فالدولة هتعتبرك غير مستحق للدعم الاستثنائي.
وبشكل عام يستفيد 64 مليون مواطن مستفيدين بتكلفة 3 مليارات جنيه كل شهر، وبكده يكون في حوالي مليار جنيه زيادة بتمثل حوالي ربع التكلفة الإجمالية من الدعم اللي بتقدمه الدولة.
مش بس كده ده كمان بيستفيد من صرف العيش المدعم 72 مليون مواطن، ولسة الوزارة بتدرس صرف العيش البلدي لغير حاملي بطاقات التموين.
دلوقتي قولنا رأيك في جهود الدولة لدعم المواطنين خاصة مع الغلا اللي احنا بقينا بنواجهه وهل شايف إن ده كفاية ؟
