ماذا يحدث للدولار كيف للتجار أن يبيعوا السلع بعد ما سعروا الدولار عند مستوى وصل لـ 60 جنيه وهل هذا فعلا سعره الحقيقي أم لا؟ وهل فعلا الدولار وصل لهذا السعر؟ تابعونا لمعرفة التفاصيل:
الناس مستغربة إن الأسعار عمالة تزيد ومفيش حاجة بقت زي زمان خلاص وبتضرب كف على كف ده غير كمان إن السلعه اللي سعرها بتزيد مبتنزلش زي ما كانت تاني!
بس الحقيقة إنه في كواليس كتيرة ورا ارتفاع الأسعار اللي بيحصل!
وفي تصريح صادم لـ أحمد الوكيل رئيس الغرفة التجارية بالإسكندرية والرئيس السابق للإتحاد العام للغرف التجارية قال لموقع بنكير إن السلع المتداولة حاليا بالأسواق بيتم تسعيرها وفقا لسعر صرف للدولار عند مستوى بيتراوح ما بين 48- 60 جنيهده كمان اتكلم عن أهمية التصنيع للتوسع فى التصدير وتطوير منظومة الإنتاج المحلى .
وكشف عن ان الإفراجات الجمركية اللي تمت فى ديسمبر اللي فات مكملتش ووقفت ، وأكد إننا حاليا بنواجه نفس المشكلة اللي حصلت معانا ديسمبر 2022 .
وقال أن حاليا مهم جدا إعادة الثقة بين الحكومة ومجتمع الأعمال فى مصر ، والإعتماد على المتخصصين أصحاب الخبرات للمساهمة فى إيجاد حلول للأزمة الحالية .
ده كمان أكد إنه في تراجع الطلب على السلع الأساسية بنسبة 19 % ، ووصوله الى 90 % فى سلع أخرى وده بسبب انخفاض القوة الشرائية للمستهلكين .
وقال أن القطاع الخاص اتقدم بخمس مطالب للحكومة ، وكان أولهم وأهمهم ضروة العمل على استقرار سعر الصرف ، وتعديل بعض القوانين مثل قانون العمل ،
طيب تفتكروا الكلام ده معناه إيه وهل ده سعر الدولار الحقيقي؟
هقولك يا سيدي حاليا الجنيه قيمته متراجعه في العقود الأجلة ووصل سعره لـ 41 دولار ولو بتسأل إيه هي العقود دي فدي ياسيدي أدوات مالية بتكون ما بين البنوك أو بين مستثمرين وتجار، والناس دي بتتفق على سعر معين في المستقبل للدولار وملهاش دعوة بقا غير بالسعر اللي اتفقت عليه.
فـ مثلا المستورد بيتفق مع البنك على الاستيراد بسعر معين للدولار، وبعدين بيعمل إيداع في البنك بقيمة البضاعة بس بالجنيه المصري.
ولما الشحنة بتوصل مصر، البنك هيبقى ملزم بسداد قيمة الشحنة بالدولار فور وصولها، عشان المستورد يستلم بضاعته.
مش بس كده ده كمان الفترة دي رجع من تاني شبح السوق السوداء يظهر، وده اللي أكده متعاملين فالسوق وقالوا إنه بيتداول الدولار في السوق الموازية للصرف عند مستويات بتتراوح بين 34 و 35 جنيه .
لكن الغريبة إن أسعار صرف الدولار مقابل الجنيه في السوق الرسمي مستقرة، ولو بصينا على أحدث الأسعار المعلنة في البنك المركزي والبنك الاهلي هنلاقي ان الدولار قرب من كسر حاجز الـ 31 جنيه.
وحسب بنك اتش اس بي سي من المتوقع تسجيل سعر الدولار في المتوسط 37 جنيه ونص خلال المدى المتوسط.
انتوا بقا شايفين الدولار رايح على فين وهل سعره في العقود الآجلة والسوق السودا هو السعر الحقيقي ليه ؟
