الدولة تسابق الزمن لكي تبني وتعمر مدن جديدة تساعد بها في تطوير حياة المواطنين و تحقق لهم حياة كريمة، فلا تكتفي ببناء مدن جيل رابع لكي تواكب التطور الذي نعيشه دي بتبني مدن جيل خامس بأحدث تكنولوجيا تنافس بيها مدن العالم.
وفي 2021 أعلنت الحكومة عن إنشاء مدينة ذكية مبنية على جزيرة صناعية واللي تعتبر أول مدينة من نوعها في الشرق الأوسط هيتم بناؤها على أرض مصرية و في منطقة الشرق الأوسط ، طب إيه حكاية المدينة دي وإزاي هتنقل سوق العقارات المصرية نقلة تانية خالص لتوازي نظيرتها في جزر المالديف وجزر نخلة جميرا في دبي دا اللي هنعرفه النهاردة في حلقتنا:
مدينتنا هي مدينة أبو قير الجديدة اللي بتعد أول مدينة مصرية يتم بناؤها بالكامل على جزيرة صناعية في البحر المتوسط، وكمان تعتبر أول مدن الجيل الخامس، واللي بتتبني ضمن خطة وضعتها الحكومة لتطوير شرق مدينة الأسكندرية.
واللي ميعرفش يعني إيه مدن الجيل الخامس فـ دي ياسيدي مدن ذكية بيكون الاعتماد فيها في الأساس على تكنولوجيا المعلومات أو إنترنت الأشياء،اللي بيساعد في إنها تتمتع بمستوى عالي جدا من الأمان كمان بتكون محمية من الهجمات الإلكترونية ودا بيساعد علي سبيل المثال تنظيم حركة المرور ونقل النفايات ودمج البيانات لتحسين حياة المقيمين بها ودا اللي بيميزها عن باقي المدن.
طب إيه الهدف من بناء مدينة أبو قير الجديدة، هقولك ، المدينة دي مخطط ليها إنها تكون أحد أكبر المدن الاستثمارية والتجارية في مصر، ودا لأنها مش بس هتكون مقتصرة علي المنشآت السكنية والخدمية الساحلية بس، لا دي كمان هتضم أكبر ميناء بحري، ودا اللي هخليها امتدادًا للموانئ المصرية على طول السواحل، واللي هتضم مختلف المرافق والمراكز الخدمية المتطورة
تخيل معايا كدا مدينة هتتبني في عرض البحر أيوا زي ما سمعت كدا، إنشاء مدينة أبو قير الجديدة هيكون داخل مياة البحر المتوسط يعني يعني كأنك بتبني جزيرة من أول وجديد.
وطبعًا زي ما اتعودنا من دولتنا على سرعة التنفيذ فالمدينة بدأ التخطيط الفعلي ليها على أرض الواقع وكمان بأيادي مصري وشركة مصرية هي اللي بتقوم بالتنفيذ من عام 2020، ودا اللي هيخلينا نشوف مدينة باهرة والمخطط الإنتهاء من بناؤها في عام 2024 واللي بتوصل مساحتها الكلية لـ 1400 فدان وبتحاوطها حواجز أمواج بطول 9200 متر وتضم:
كمان الحكومة بتخطط لتنفيذ وإعداد أكبر شاطئ على سواحل مدينة الإسكندرية الشرقية على مساحة 385 فدان، واللي هيكون موقعه بجانب بناء ميناء أبو قير الجديد على مساحة 985 فدان.
كل دا هيكون في المدينة الجديدة، لا استنى مش بس كدا دا كمان هيتم تجهيز ممر الميناء الملاحي لاستقبال السفن في ميناء أبو قير الجديد، دا غير بقا خد عندك مراكز خدمية متطورة يعني مولات حديثة ومطاعم راقية ومستشفيات، وأندية، ومؤسسات تعليمية، وفنادق فاخرة وأبراج سكنية وكمان مناطق سياحية جاذبة جديدة، ومش محتاجة أقولك إن كل دا هيتعمل ليه مرافق مجهزة وطرق ممهدة.
تفتكر مدينة زي دي هتقدر تنافس جزر دبي والمالديف، ولا هتبقي أجمد بكتير ؟
