إبنى كان عينه منى!..وبيكلم صحابه عليا بطريقة مش كويسة! أنا خايفة على ولادى الصغيرين يطلعوا زيه ..هذا ما قالته أم زياد في يديو لها على الفيسبوك ، وهو ما صدم الجمهور وأحدث ضجة كبيرة على وسائل التواصل الإجتماعي، فماذا حدث؟ تابعونا لمعرفة التفاصيل الكاملة:
ده كان تبرير أم زياد على الفضيحة اللى عملتها لأولادها .. وقالت الكلام اللى سبب صدمة للكل،وبسببه إتقبض عليها وبيتم التحقيق معاها!
ياترى إيه اللى حصل بالظبط؟وليه طلعت وإتكلمت عن ولادها بالطريقة دى! إزاى عيال صغيرة تحطهم فى الموقف ده؟ مفاجأة السر اللى وراء الفيديو ده.
قعدت ولادها على يمينها و شمالها ..وشغلت الكاميرا ..وإتفقت معاهم اللى هيقوله إيه وإتأكدت إنهم صغيرين أه بس لبلب ،ماهم مش أول مرة يظهروا قدام الكاميرا يعنى ..الله أعلم اللى قالوه حصل فعلا ولا لزوم الشحاتة والمشاهدات والربح مش أكتر ..ده اللى هنعرفه بعد التحقيق معاها .
من بعد نشرها للفيديو ده ..الدنيا إتقلبت وكل المهتمين بالصغار وحقوقهم مسكتوش وقالوا إن ده إستغلال لهم ولازم بتقبض عليها وتتحاكم!
وفعلا تم القبض عليها من بيتها بمنطقة الخصوص بالقليوبية،ولما تم مواجهتها باللى حصل ،أقرت وإعترفت باللى حصل وإنها أرتكبت الفعل ده.وتم ضبط الموبايل المستخدم فى الواقعة، وتولت النيابة التحقيق.
أم زياد قالت إنها خافت على ولادها الصغيرين يحصل لهم زى ما حصل لأخوهم ويتعلموا منهم الأفعال دى ..خاصة إنها مرت بمشاكل كتير وخلافات مع طليقها وعايز ياخد الولاد منها..ولو شك أنهم بنفس الأخلاق دى يبقى هى معرفتش تربى وهيكون له الحق إنه ياخدهم وبالقانون ..فقالت إنها تبدأ تقول بدل ما الموضوع يتكشف وكل حاجة تروح منها..
هى شايفة إن الأب ملهوش دور ،وجوده زى عدمه!وبنتها وإبنها “الطرفين فى الواقعة” هى جابت أخرها منهم، وهى متجوزاه كان بتشوف أفعال غريبة من إبنها ..لحد ما هى شافتهم بعنيها فى وضع صعب،ومرة عن مرة كانت بتسمع صوته وهو داخل على إخواته الأوضة ولما ياخد باله بيطلع يجرى!لحد ما العيال الصغيرة شافوه نايم جنب أخته الكبيرة بردوا!
كمان شافت محادثة بين إبنها وصاحبه إنه عايز يكون مكان جوز أمه”وهنا كانت الصدمة” وقالت لأبوه لكن هو معملش حاجة وكل اللى عمله قاله إضرب نفسك!
أم زياد شهدت ولادها الصغيرين على الهوا قدام الناس وطلبت منهم ميتكسفوش ويحكوا اللى حصل ..
هم يضحك وهم يبكى حقيقى ..وطلبت من المشاهدين لو فى أولاد صغيرة ميتفرجوش ..وفى نفس الوقت عيالها الصغيرين حواليها..
لما لاقيت أبوهم سالت إيده خالص ..طلبت منهم يقفلوا الباب على نفسهم ..ولكن كان أخوهم بيقدر يفتحه ويدخل لأخته الكبيرة بليل والكل نايم! بيحط السجادة تحت الباب من جوة ويوقع المفتاح وبعدين يسحب السجادة ويفتح ويدخل،وده اللى بنتها الصغيرة قالته..
ده غير إن إبنها حرامى وبيسرقها ..وقبل كده أخد الفيزا بتاعتها وسرق منها فلوس..
الكل مستغرب دلوقتى وبيضرب كف على كف ..معقول إنتى أم إنتى ؟ إزاى تقول كده على ولادها وبدل ما تربيهم طالعة تتكلم عليهم بالطريقة دى ؟
الحقيقة إنها ردت وقالت إنها عملت كده علشان ولادها قللات الأصل،نقلوا لأبوهم كلام مش كويس عنها..وسوءوا سمعتها، رغم إنها شايلة الهم من ال5 عيال على دماغها والأب بارد وشايل إيده بطريقة غريبة ..
فى أخر الفيديو طلبت من الناس يدعموها ويدخلوا على قناتها الجديدة علشان المشاهدات تعلى والأرباح تزيد وتبقى حققت الهدف من الفيديو ده ..
طبعا الدنيا قامت عليها بعد الفيديو ده ،ومحامين قدموا بلاغات ضدها،ولكن هى مهمهاش وقالت “لا عاش ولا كان اللى يكسرنى”
كمان المجلس القومى للامومة أخد الإجراءات اللأزمة وتم القبض عليها وفى إنتظار نعرف مصيرها هى وأولادها هيكون إيه..
