سؤال كل ساعة ،وسبب حيرة لكل الناس الفترة الأخيرة ،متى موعد تنفيذ الحكم على المتهم محمد عادل الذى أنهى حياة نيرة أشرف فى المنصورة؟
ظهرت شائعات كتير الساعات اللى فاتت عن تنفيذ الحكم فعلا،بعد كام ساعة من تأييد الحكم بعشماوى ورفض الطعن فيه..خلاص النار قربت تبرد فى قلوب أهل نيرة وقلوب كل المصريين .. وكلها أيام معددوة ومحمد عادل يروح لعشماوى برجليه ..عشماوى فى إنتظار محمد عادل لا محالة..
العيد السنادى هيكون مختلف تماما عن كل سنة،وفى الوقت اللى الكل فرحان به واسرة نيرة الدنيا هتبقى مش سيعاهم علشان حق بنتهم رجع وإتحقق القصاص العادل،هتكون أسرة المتهم محمد عادل بيعيشوا أسوأ عيد عدى عليهم طول حياتهم،وهيبقى العيد بالنسبالهم أزمة كبيرة فى كل سنة ..
ياترى إيه حقيقة تنفيذ حكم عشماوى لمحمد عادل فى العيد أو يمكن كمان قبل رمضان تخيل؟ ياترى ليه المعاد ده بالتحديد؟وهل ينفع فى الشهور الحرم قبل رمضان؟ إزاى ده ممكن يتم؟ وهل التعويض اللى أسرة نيرة طلبته ده ميخففش الحكم ؟ هل يحق تقديم ديه لأهل نيرة؟ مفاجأت كشفها محامى نيرة أشرف وتفاصيل لأول مرة عن مصير محمد عادل ووالدته كمان ..
إنتشرت صورة مؤخرا لمحمد عادل ،وهو لابس البدلة الحمرا على كل مواقع السوشيال ميديا ،وعملت ضجة كبيرة ،ورغم إنها إنتشرت من قبل تأييد الحكم بعشماوى ،إلا إن بعد تأييد الحكم إتقال إن محمد عادل راح لعشماوى خلاص ..
ولكن دى كلها شائعات ..محمد عادل لسة فى الحجز الإنفرادى بين الأربع حيطان وفى وسط الضلمة،بيسأل نفسه ياترى يا محمد هتروح لعشماوى إمتى؟
محامى نيرة أشرف “خالد عبد الرحمن ” رد على السؤال ده وحدد بالظبط معاد تنفيذ الحكم وقال: أنا قولت بالورقة والقلم ممكن بعد العيد أو قبل رمضان ”
المحامى مقالش كده من فراغ ولكن هو قال كده بسبب كواليس كتير حصلت رفض يتكلم عنها ..فى حواره فى لايف على صفحة العربية مصر..
طبعا كلنا عارفين الحكم بعشماوى مينفعش يتنفذ فى الأشهر الحرم وإن يتنفذ قبل رمضان يعنى ممكن يكون فى شهر شعبان أو بعد العيد زى ما وضح المحامى ..
محامى نيرة قال إن أهل نيرة ميعرفوش بالدعوة اللى رفعها بالتعويض ب10 مليون جنيه،وعرفوا زيهم زى الناس ،أهل نيرة واثقين فيه ثقة كاملة ،ومن أول يوم فى القضية ولحد النهاردة هو اللى بياخد كل القرارات ..
وقال إنه لسه مكلم والد نيرة حالا علشان يروح معاه لرئاسة الجمهورية ،علشان يكملوا إجراءات تنفيذ الحكم بعشماوى على محمد عادل ويتم التصديق عليه..وياخدوا الموافقة على طلبهم بإذاعة تنفيذ الحكم على الهوا.
سؤال إتسأل كتير الفترة اللى فاتت :هل خلال الفترة دى قبل تنفيذ الحكم ممكن أسرة نيرة تقبل الدية ؟
المحامى قال :معندناش حاجة فى القانون إسمها دية ،ولو حتى عندنا الدية مش هنقبل نبيع دم نيرة،ولو إتحطتت كل كنوز العالم فى كفة ودم نيرة فى كافة ،دم نيرة اللى يطب ويكسب ،وال10 مليون مش كتير خالص زى ما إتقال..
المحامى كتب فى الدعوة دى إسم محمد عادل،ومحمد عادل دلوقتى هخلاص فى حكم الميت فأزاى بعد تنفيذ الحكم هيتم دفع ال10 مليون جنيه؟
الحقيقة إن اللى مطالب بدفع التعويض بعد رحيل محمد عادل هيكون والدته مش أخواته ،ولكن هو كان نفسه القانون يسمح بإحواته كمان علشان باخد حق نيرة على اللى عملوه فيها..
محامى نيرة أكد إن من اول ما مسك القضية خد قرار إنه ملهوش علاقة بأهل نيرة وخاصة والدته،ولكن ظهورها الأخير بعد الحكم على إبنها بعشماوى وطلعت تتكلم عليهم وعلى أن بنتهم بطريقة مش كويسة واتهمتهم أنهم مضوا أبنها على وصولات أمانه وهددوه بيها،ورغم إنها فى الأول كانت معترفة بخطأ إبنها
علشان كده محامى نيرة بعت لها إنذار وقال لها : إذا ظهرتى تانى،وإتكلمتى تانى فى موضوع نيرة ،ومترحمتيش عليها ،أنا هاخد إجراء قانونى ضدك ،انا راجل بتاع قانون وورقة وقلم ومليش فى الهرتلة وشتيمة السوشيال ميديا.
