القاهرة 24رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات
عاجل
مهددة بدفع 5 ملايين جنيه.. شكوى من محامي فتاة الشروق لوزير النقل ضد أوبر | خاص الحكومة تصدر قرارا جديدا بشأن شاغلي الوحدات بمشروع تطوير القاهرة التاريخيةمهددة بدفع 5 ملايين جنيه.. شكوى من محامي فتاة الشروق لوزير النقل ضد أوبر | خاص الحكومة تصدر قرارا جديدا بشأن شاغلي الوحدات بمشروع تطوير القاهرة التاريخيةمهددة بدفع 5 ملايين جنيه.. شكوى من محامي فتاة الشروق لوزير النقل ضد أوبر | خاص الحكومة تصدر قرارا جديدا بشأن شاغلي الوحدات بمشروع تطوير القاهرة التاريخية
حطيت راسه جوا كرتونه.. المتهم بقتل طالب الدقهلية يروي كواليس تنفيذه لجريمتهالمجني عليه حوادثالمجني عليه
مصطفى درغام
السبت 02/مارس/2024 – 05:25 ص
أضف للمفضلة
شارك
x
facebookfb
twittertw
rss feedtw
كشفت التحقيقات في اتهام مدرس الفيزياء بقتل الطالب إيهاب أشرف، عن كواليس وتفاصيل الجريمة بعد أن قطع جسده إلى 3 أجزاء بقرية 7 ثابت التابعة لمركز الستاموني في محافظة الدقهلية.
اعترافات مدرس الفيزياء المتهم بقتل إيهاب أشرف
وقال بإنهاء حياة طالب الدقهلية: حطيت الرأس في كيس أسود جوة الكرتونة اللي فيها الجزء الفوقاني، وبعدها بحوالي عشر دقائق وخلال الفترة دي كان أهله بيرنوا على تليفونه، وأنا كنت بكنسل عليهم المكالمة وبعدها رديت وقولتلهم ابنكم اتخطف ومتدوروش عليه ومطلوب فدية 500 ألف وبعدها والده رنت عليا من تليفوني وانا رديت عليها قولتلها ان إيهاب خلص الدرس وقولتلها هتلاقيه راح الاسكيت وردت عليا قالتلي ان هو قايلها هيروح البيت الأول وبعد كدة هيروح الاسكيت وقفلنا المكالمة.
وأضاف المتهم بإنهاء حياة طالب الدقهلية، بعدها بدأت أمسح أثار الدماء اللي على يمين الداخل باستخدام مناديل ورقة ولما خلصت بدات استخدم الشكاير الخيش وقطعة قماش كانت معمولة تنجيد لتختة وبصيت على هدومي لقيت على بنطلوني بقعة دم والكوتشي من تحت عليه دم ونقط خفيفة على كم السويتشرت وبدأت أمسحها باستخدام مياه وبعدها على طول حوالي الساعة 8:10 مساءً طلعت من اوضة الدرس بصيت فيه حد واقف برة ولا لا ولما ملقتش حد اخدت الكرتونة اللي انا حاطط فيها الرأس والجزء العلوي من الجسم وحطيتها قدامي على الموتوسيكل بتاعي وقفلت باب أوضة الدرس ورايا وخرجت ورحت عشان ارميها في ارض غاب على منصل تحت كوبري.
وأكمل المتهم بإنهاء حياة طالب الدقهلية في إعترافاته أمام جهات التحقيق، انا لما لقيت الأرض الغاب ثم تطهيرها لفيت ماسورة مياه جنب مصرف اللي معدي من فوقيه الكوبري ورحت شايل الجزء العلوي من جثة إيهاب من جوة الكيس والكرتونة وحذفته وبعدين نزلت ثبته جنب الماسورة علشان ميتحركش مع المياه ويظهر وفي نفس الوقت يبقى متدارى عن أي حد معدي وحطيت فوقيه شوية فروع شجر عشان تبان انها زبالة والراس قمت حادفها في نفس المكان بس في وسط المياه وساعتها التليفون بتاعه كان معايا وكان كل ما حد من اهله يتصل بيه أكنسل عليه وأخته ندى اتصلت عليا وقتها على تليفوني وانا رديت عليها وقولتلها هو خرج من ساعة ما مامتك كلمته مع حد من أصحابه او راح الاسكيت
وأضاف المتهم بإنهاء حياة طالب الدقهلية بعدها رجعت تاني أوضة الدرس عشان أجيب الشيكارة اللي فيها النص التحتاني وكانت وقتها تقريبًا الساعة 8:30 مساءً جبت الشيكارة اللي فيها نص الجثة التحتاني وجيت اخرج بيها لقيت اثنين من اهل البلد قابلوني عند الأوضة وانا بقفل الباب ووقتها كنت حاطط الشكارة جنب الباب ولقيتهم سألوني على إيهاب فقولتلهم معرفش ده هو خلص وراح عند الإسكيت فقالولي لا احنا بتوع الاسكيت وهو مجاش وساعتها مشيوا وما اخدوش بالهم من الشيكارة اللي كنت حاطتها جنب الباب وانا اخدت الشكارة وحيطتها على الموتوسيكل ولفيت من ورا البلد عشان محدش يشوفني وبعدين وانا ماشي لقيت أراضي زراعية والدنيا كانت هادية هناك فرميت الشيكارة.
وأضاف المتهم بقتل إيهاب أشرف رجعت تاني على اوضة الدرس عشان الم الحاجات الثانية اللي هي السكينة والساعة والشنطة والتليفون وخلال طول الفترة دي أهل إيهاب كانوا بيرونوا على تليفونه وأنا كنت بكنسل وبعدها حطيت الساعة بتاعته في كيس مناديل والسكينة حطيتها في كيس اسود وشنطته حطيتها في كيس اسود كبير والتليفون بتاعه كان في جيبي ورميت الحاجات الشنطة والساعة والسكينة في المياه كل حاجة لوحدها وخليت معايا التليفون بتاعه.
