تزوجت بعدد أيام الأسبوع، لو بتغير كل يوم راجل لن يكون هكذا، هذا ما قاله الجمهور على سيدة أسمها وفاء من الشرقية، تزوجت 7 مرات، وجمعت بين أزواجها، ولا كان يهمها أي شئ، وفيه مفاجأة فى القبض عليهاستعرفوها بنهاية التقرير.
مين وفاء دى اللى جمعت بين أزواجها فى الشرقية؟ .. جمعت بينهم أزاى وفين المأذون اللى ساعدها فى كده؟ .. كل ده وأكتر هنعرفه مع بعض :
ضحكت وغفلت كل اللى اتجوزتهم، تتجوز كل فتره واحد من غير التانى ما يعرف ولما تشبع منه شويه وتزهق ترجع للتانى، والكل مش واخد باله من اللى بتعلمه لحد ما ظهرت حقيقتها في النهاية وانكشف مالعوبها.
ده كان ملخص حكاية سيدة من الشرقية واللى عملته كان كارثي، خالفت أوامر الشريعة الإسلامية وضحت أو استغلت طيبة مأذون تعرفه، واتجوزت رسمى بمساعدته جوازات بعدد أيام الأسبوع، يعنى لو بتغير كل يوم واحد، يادوب يكفيها الأسبوع بالعافيه.
التفاصيل وزى ما ذكرتها المواقع الإخبارية، فا أصل القضية يعود لسنة 2022، لما جهات التحقيق قررت إحالة المتهمه وفاء لمحكمة جنايات الزقازيق بعد اتهامها بأنها جمعت بين أكتر من زوج فى وقت واحد، وكل ده تم بمساعدة مأذون تعرفه، يقال ان المأذون عمل كده بحسن نية، وأنه ماكنش يعرف يعرف أنها مش بتطلق من أزواجها، المهم أن كل الجوازات اللى اتجوزتها كانت مع المأذون ده، وكله مسجلة فى السيستم بتاع الدوله.
جهات التحقيق لما حققت معها أكتشفت أنها متجوزه 7 مرات، واغلب جوازتها دى تمت وهي في عصمة راجل تانى، يعنى عملت واحده من الكبائر اللى الشرع نهى عنها.
السؤال بقى هل الرجاله اللى اتجوزتهم دول كانوا يعرفوا اللى هى بتعمله ده ولا لأ ؟
لما جينا نبص أكتر فى أوراق القضية والأخبار اللى بتتكلم عنها، اكتشفنا ان الست هى اه اتجوزت 7 مرات، بس مش 7 رجاله، دول هما 4 بس، وفى كل مرة كانت بتتضحك وتغفل اللى معاها وكأنها اتطلقت من اللى قبل منه وتروح تتجوز جديد، يعنى مافيش حد من الرجاله اللى كانوا معاها يعرف أنها لسه على ذمة واحد تانى وهى معاه، هو اه كان بيبقى عارف أنها اتجوزت قبل منه، بس فاكر انها اتطلقت وعدتها خلصت وأمورها تمام، وهى فى الأغلب ماكنتش بتبقى مطلقة ولا حاجه، ده هى 3 مرات بس اللى اتطلقت فيهم ورجعت تانى فيهم، وده اللى خلاها تبقى متجوزة 7 مرات.
نيجى بقى للنقطة المهمة أنها إزاي أصلا تم اكتشافها ؟
اتضح أنها كانت فى مره من المرات رايحه تغير بطاقة رقم قومى وعايزه تغير فيها الحالة الاجتماعية من مطلقه لمتزوجه، ولما الراجل بتاع السجل المدنى جه يبحث عنها على الجهاز أكتشف أنها متجوزة 7 مرات وجمعت بين الرجاله وبعضها، فا قام مبلغ عنها، وعلى طول الشرطة راحت أخذتها وانكشفت حكايتها.
