فى الوقت الذي يبحث فيه الكل عن فرصة عمل في الكويت، عصابة معتربين مصريين بدلا من ان يعملوا ويكدوا، اختاروا طريق الحرام وكونوا تشكيل إجرامي للسرقة فماذا فعلوا وماذا حدث لهم، سنتعرف سويا من خلال التقرير التالي:
قاعدين لا بينا ولا علينا كده،لقينا الشوسيال ميديا مقلوبة الساعات اللى فاتت،وخاصة تويتر..والأخبار منتشرة عن شخصين مصريين مقيمين فى الكويت تم القبض عليهم علشان بيسرقوا عجل. الحقيقة إنه هم ييكى وهم يضحك،اللى هو متغرب علشان تروح الكويت وتسرق عجل؟
كل الحكاية إن فى محافظة حولى،كل يوم والتانى يجيلهم حد فى الشرطة يبلغ عن حالة سرقة لعجلة،الموضوع واد عن الحد أوى ،وده خلى رجال المباحث يركزوا شوية ويدوروا ورا الحكاية دى ،أكيد فى إن؟ أمال العجل ده كله بيروح فين؟
رجال المباحث شكلت فريق عمل،وشافوا شخص داخل عمارة وشوية وخرج منها وهو سايق عجلة .. سبحان الله يعنى!
وحسب اللى نشرته جريدة الأنباء الكويتية .. مصدر أمنى قال إن بعد تلقي البلاغات وعمل فريق البحث للقبض على الجاني، تم ضبطه، وإتضح إنه شاب فى عز شبابه من مواليد 1985، وبالتحقيق معاه قال إنه مش لوحده فى موضوع سرقة العجل ده ـومعاه زميله مصرى كمان إسمه “أ. س ” .
تم القبص على زميله المصرى بردوا ،من خلال التحقيفات مع المهمين المصريين دول اتضح إنهم بقالهم شهور بيلفوا فى الشوارع وبين العمارات،وكل عجلة مركونة قدام أى عمارة أو مربوطة فى السلم، حتى لو مقفول بالإقفال كانوا بيكسروا القفل وياخدوها.
الشرطة الكويتيتة مكتفاتش بكده ،وعلى طريقة ضبط المصرييْن، قامت قوات المباحث بتفتيش غرفة مصريين دول.
وفوجئت قوات الشرطة الكويتية خلال بوجود 13 دراجة كانوا مجهزنها للبيع على الإنترنت،و اعترف المصريين بأنهم بقالهم سنة بيسرقوا العجل ده ،و اجمالي العجل اللى سرقوه على مدار سنة حوالى 100 عجلة ،وباعوها باسعار بتوصل ل 25% من قيمتها الحقيقية.
السؤال اللى هيفضل محير الملايين :هنفضل فى مسلسل السرقات والتهريبات والتجارة فى الممنوعات بالنسبة للمصريين فى الخارج وخاصة فى الكويت كده كتير؟هل يعقل إن يبقى مفهم اهله وعياله إنه بينحت فى الصخر ومتغرب بالسنين ويفاجءهم بالقبض عليه؟لازمتها إيه الغربة ،ما كنت تسرق العجل وإنت فى بلدك ،وأهو منك فينا ولما يتقبض عليك تبقى وسك ناسك بردوا مش فى الغربة!
الغريبة غنهم مفكروش فى أصحاب العجل دول ،ممكن تكون ده مصدر رزق واحد مغترب تانى،شغال عليها دليفرى مثلا وممكن تكون مش بتاعته وإنه إتسبب فى قطع عيش مغترب علبان بيجرى على أكل عيشه
شاركونا فى التعليقات رأيكوا فى اللى عملوه المصريين دول فى الكويت !وإزاى ممكن نحد من قضايا وازمات المصريين فى الكويت الخاصة بالسرقات والتجارة فى الممنوعات!وإيه اللى يخلى مصرى متغرب يتجه للسكك دى؟
